** بدي عريـــس **

بدي عريس

يكون لي ونيس

ولد روش

انما فييس

بدي عريس

يكون سباح

ولو فلاح

في بحر العشق

يكون ملاح

بدي عريس

يكون انسان

يكون فنان

يكون عاشق

لكن ولهان

بدي عريس

يكون طيار

ولد مغوار

في دنيا العشق

ليلة نهار

بدي عريس

يكون حبوب

ولد طيوب

ولو حتي

شبة شيبوب
*********


ماحدش يفهمني غلط

دي قصيدة فقط لاغير

الشاعر محمود رضا محمود كتب/


[size=24][center]
وعندي ياسلوى ليكي عريسْ

مالوش في الكدب والتهييسْ

صحيح راجل أوي ومجدعْ

وغير كُل العيال.. السيسْ

ولو شوفتيه ..هاتجري عليه

ويبقالك ..حبيب وونيسْ

صحيح شكلُه غريب حَبّةْ

وكرشُه كبير.. ولا الدِبّة

وشعرُه مفيش..وإسمُه عليشْ

وما بيسمعشي بالمَرّةْ

ونَظرُه ضعيفْ..ونجمُه خفيفْ

لكن جاي من بلاد بَرّةْ

وعايش من سنة تلاتينْ

ومن سنتين بَلَغ تمانينْ

وعنده الرأي والخِبرَةْ


هههههههههههههههههههههه الأستاذة سلوى تحياتي..وأرجو أن يعجبك العريس اللّي جايبهولك

*******************

كدة برضة انا حعمل بالمثل اللي بيقول

قاعدة الخزانة ولا جوازة الندامة

مش برضة

الشاعر خالد غلاب كتب /


واللهي قصيدة الأخت الشاعرة سلوى ورد الشاعر رضا محمود
عاملين دويتو رائع
واللهي ممتع أشكركم على الشعر و الإبتسامة الجميلة .
تقبلا مودتي وتقديري

*******************

كم انا سعيدة لاني ادخلت السعادة الي قلبك

تمنياتي بالسعادة دائما

الشاعر الاخ العزيز عادل سند كتب/


ههههههههههههههههههههههههههههه

ماقلت لك وانتى رفضتى ..

دلوقتى عامله اعلان ؟؟

اشاره منك اجيبهولك .. اهو متلقح اهو على الرصيف .

ها .. تليفونى معاكى .. بس على الله هو يقبل .

ههههههههههههههههههههههههههههه

ياللا .. منتظر آلوووو ...

*******************

يا شماتة ابلة ظاظا فيا

الشاعر الجميل هشام عبد العزيز كتب /


بدى عروسة انما نعنوشة
اقعد انا وهية فكوشة
وتكون حلوة وبنت حلال
وتملى كل الحتة عيال
متبوزش فوشى وتضحك
وتكون فاضية وخليا البال
ولا تسألنى معايا فلوس
ولا تتبرجل ولا بتلوص
ون فكرت اتجوز تانى
تضحك وتقول يلة ودوس
..................
اوعى حد يفهمنى غلط دة شعر

_________________


خلاص كدة عمك عادل سند عندة مكتب لتوفيق راسين في الحلال

يلا نروح عندة يمكن نلاقي طلبنا

تحياتي

بخفة دمك المعروفة
و اسلوبك الشعرى الجميل يا سلوى
رسمتى البسمة على وجوهنا
الله عليك
و بالمناسبة فيه عريس شبه عنتر
موش شيبوب
أيه رأيك ؟!
ههههههههههههه

كنت كاتب قصيدة من 25 سنة بعنوان (اعلان زواج صريح جدا.). وعد هنشرها بس عشان اعرف كل الرجالة بالحقيقة الغائبة ...فقط للتوعيه.. وساعتها شوفى بقى مين هيتقدم.... ما تزعليش لو نشرتها؟؟ على فكرة القصيدة عجبتنى بجد وكمان المبدع محمود رضا..

الشاعر الكبير عاطف الجندي كتب/


بخفة دمك المعروفة
و اسلوبك الشعرى الجميل يا سلوى
رسمتى البسمة على وجوهنا
الله عليك
و بالمناسبة فيه عريس شبه عنتر
موش شيبوب
أيه رأيك ؟!
ههههههههههههه

_________________



عموما مقبول منك يا كبير حد برضة يرفض عنتر

المهم ييجي

ههههههههههههههههههههه

اشكرك لمرورك الجميل

الشاعر جمال نصير

اشكرك لمرورك الجميل وعايزيين نشوف قصيدتك ومش حنزعل انا عندي روح رياضية

تقبل تحياتي