الثورة فى عيون الحكام

الثورة في عيون الحكام
قالوا أيه.. قالوا ثورة
نار وقامت ف البلاد
جمعت كل الضحايا...
الغلابة .. والبطالة ..
وال مش لاقيين يعيشوا..
وال تعبوا م الرقاد..
كلهم بيقولوا لأ ّ..
مش هنفضل طول حياتنا
راسنا تحت ف الرماد
عشنا عمر طويل بنحلم
نفس أحلام الولاد
إما خايفه.. إما فاضيه..
إما مكبوتة بزناد
والنهاردة الطلقة طلعت..
ولعت كل البلاد..
****
واضح إن الناس دى هاجت
جالها مس من الجنون
أو كان قيامة قامت
زلزلت كل السجون
سجن جوا كل قلب
سجن حابس اى عقل
سجن لامم كل راجل..
كل طفل.. وكل ست ..
سجن حارم اى فكر.. واى حب.. واى سر
سجن فاضحك ...مهما تلبس او لبست
والقيامة لما تهدر
مين هيقدر ...
مين يوقف اى حر؟؟
مين يوقف اى جائع ..
اى عاطل ..
اى مظلوم صابه ضر؟؟
كل شر وأخره شر..
يبقى لازم...
م البداية..
كل خلق الله دى ترجع..
لجل تركع في الجحيم...
*****
قالوا أيه ؟؟
قالوا ثورة ..
فتحت كل العيون
وال كان طول عمرة نايم
قام بيفرك في الجفون
وال كان مقهور وخايف
خلف جدران السجون
فجأة ولعت فيه شهامته
قالها ثورة..
مهما كان ... أو راح يكون..
*****
قال و عايزين أيه... عدالة !!
قال ... وجنب العيش .... كرامة !!
قال ... وحرية ووظيفة !!
منها ياكلوا اى لقمة تكون شريفة ..
يبدوا إن الناس دى فلتت
لما شافوا الخير بعينهم
لما حسوا الأمن عشش فوق حيطانهم..
لما عاشوا ف حلم اكبر من خيالهم
أصل برضه .. كل حاجة وليها حد
وال يحلم ... حلمه محتاج رد جد..
دا العقاب – ف بلادنا طبعا –
حكم ملهوش اى رد..
*****
يعنى ايه عايزين عدالة ؟؟
لو ميزان الحق يعدل..
تبقى هى دى الضلالة !!
يعنى ايه عايزين كرامة ؟؟
الكرامة للشعوب هى المهانة.!!
وال ياكل بكرة راح يكبر علينا
وال يلقى شغلة دايمة
بكرة يجرى القرش ف ايده
راح يخزق بيه عنينا..
وال يحلم .. راح يفكر..
وال فكر.. راح يدبر..
وال دبّر بكرة تدبيره علينا
يبقى لازم....
كل خلق الله دى تركع
لجل تعرف..
ان مهما الناس تثور
زيها زى الهشيم...
*****
لو دى غابة ...
احنا فيها السادة ..احنا المسؤولين...
البلد دى للاكابر
وإحنا فيها الأمرين
وف طريقنا..
احنا بس علينا نرسم
كل خطوة تكون عليه
وإحنا برضه..
بس نختار اى رجل تسير عليه
وال يحلم انه يهرب من ايدينا
وال يرمش بس لحظة..
قبل ما يشور حد فينا...
مش هيصعب يوم علينا
يبقى لازم..
كل خلق الله دى تفهم..
لجل تمشى ف السليم...!!
*****
يعنى أيه الناس تثور؟؟
دى مؤامرة أو فجور
يعنى أيه عايزين يعيشوا؟؟
دول حشيش شيطانى نبت بالشرور
يبقى هو الحل واحد
هو قلعه م الجذور
راح نقتل..
مش حرام!!
التراب بالدم اطهر م التراب
والعذاب للناس دى ارحم م الخراب
لما ييجوا هددونا
إحنا مش ناقصين شباب
دا الشباب معناه عزيمة
والعزيمة ريح قوية
لو نسيبها راح تقلع كل حاجة
إحنا عايزين شعب تافه
مهما يقوى ..يبقى عامل كالسراب
مهما يلمع .. يبقى وهم..
مهما يحلم.. يبقى حلم..
والخلاصة...
القانون ما فهش ثورة
والعبيد مكتوب عليه
كالنعال ..ما تعش حرة
وال ثاير .. يبقى خاين
وال خاين عيشته تحرم
دا قانونا ....
وال مش عجباه عيشتنا .. بكرة يندم
جمال نصير في 25/2/2012

جميل هذا الهم الوطنى
تقبل مرورى
استاذنا الشاعر

م/عطية شواش كتب:

قصيده تحمل وجهة نظر نحييك عليها

تثبت بواسطتي

استاذنا المهندس الشاعر/ عطية شواش.. وانا بدورى احييك على نبلك وجرأتك وشهاكتك.. دمت لنا عنوانا للحب.. شكرا لك

علياء فهمى كتب:

جميل هذا الهم الوطنى
تقبل مرورى
استاذنا الشاعر

اهلا شاعرتنا الموهوبة علياء.. تقصدين جميل هذا( البكاء )على الهم الوطنى وليس الهم الوطنى .. فالهم الوطنى حمل كبير ابكانا جميعا.. شكرا لمرورك الكريم

الطبيب الشاعر/ د.محمد رزق كتب:

رائعة فى الفكرة والمضمون
لافض الله فاك ياشاعرنا الجميل
تحياتى وتقديرى وخالص محبتى

السلام عليكم ورحمة الله وبركاته..
اهلا دكتور محمد وسعدت بمرورك .. وسعدت بوجودك هنا فى هذا البيت الدافئ.. وشكرا على كلماتك الطيبة والتى تعودت منك عليها فى كل مكان زرته.. وتقبل تحيتى .. اخوك :جمال عبد العزيز نصير

عادل عوض سند كتب:

الاستاذ الشاعر

جمال نصير

قصيده من الهم العام . ووجع مازلت الامه تعنيه .

راجع معى تلك الشطرات .. نسبة الى بحر الرمل :

أو كان قيامة قامت

بكرة يجرى القرش ف ايده

راح نقتل.

لو نسيبها ... راح تقلع ... كل حاجة

متاكد من سعة صدرك وقبولك لما قدمت ..

مودتى وتحيتى ...

اخى الحبيب استاذى عادل.. مع كل زيارة منك تزداد نبضات قلبى (ليس خوفا من نقدك ولكن حبا فيك وشوقا لكلامك.. هذا من قلبى والله اعلم به.. اما عن ملاحظتك فاللام فى تقلع مشددة.. وانا من عيوبى فى الكتابة عامة والعامية خاصة انسى التشكيل.. (ملازمتى ) واقرا هكذا (تقلّع) وواثق من نقدك الذى اتعلم منه كل مرة .. شكرا لك من القلب

رضا محمود كتب:

الله عليك ياشاعر..الشاعر الجميل أستاذ جميل نصير..أبدعت في هذا الوصف الدقيق لنظرة الحُكّام العرب لثورات الربيع العربي ورؤيتهم للثوار وتقييمهم للأوضاع..ويظهر هذا جليّاً من تصرفاتهم التي تتسم بالغباء وعدم الإستفادة من تجارب الآخرين كما هو واضح الآن في سوريا أو بعض دول الخليج العربي.
أحييك على نصّك الرائع

شاعرى المفضل رضا محمود.. مرورك لى تشريف.. لن اطيل فاقصر فى حقك بحرف.. شكرا لك من القلب

محمود جمعة كتب:

أخي الشاعر جمال نصير

أحييك علي نصك الرائع الواعي لأسباب ثورة الشعوب علي جلاديها

أحييك في عرض فكرة لماذا يستبد الطغاة وكيف يعتقدون في الشعوب

وماذا تمثل الثورات بالنسبة لهم ..

الحقيقة قصيدة تحمل كل معاني الشعر الجميل والفكر الراقي

أحييك وأتمني ان اكون علي موعد مع جديدك دائما

خالص الود والتقدير

اخى محمود.. فى الحقيقة التحية الواجبة تكون لكل متلقى اعطى لى الفرصة ووثق فى كلماتى وشجعنى على ان اعبر عما فى نفسى .. اذا فالشكر لك ولكل من ساعدنى على الكلام بحرية .. وحروفك فى حقى شهادات اتشرف بها .. تقبل تقديرى وتحياتى