توهة

توهة
كلمات / بسمه شعبان

ماحدش قابلة قلبى ياناس؟

ماحدش شافة بالصدفة
على اعتاب القلوب منداس؟

ماهدش روحة غير صدفة
ومركب م الجراح شاردة
وليل حيران بيستنى
على باب الضياع
احساس .

وانا والناس فى بير واحد

وانا الجاحد
فى عين كل اللى عرفونى

وانا الجانى
وانا المجنون
وانا المفتون
وانا اللى فى وحدتى خوفى
بنالى من الامانى ظنون

وهيأ فى الغنا يحبى
وغرر فى اللى كان صاحبى
وطّمع كل من حبيت
وهد قلوعى فوق رحبى

وانا وقلبى ضحايا حنين
غناوى من الوداع ضايعين
وتوهة فى سكة النسيان
بتوهبلى الجراح بساتين

وهشكى لمين؟

ومين راح يروى اوصالى؟؟!
يعزز فى اللى كان غالى؟؟!
يرخص كل من عليت
وعودة من الوصال خالى؟؟!

لا قلبى براحة بيساعنى
ولا فى مهد الحنين معنّى
ولا فى عز انفراج النور
سمحت جروحى تدفعنى

مانا المشوار لروحى بعيد
وانا المدفون فى ليلة عيد
وانا المواعيد مخلفانى

وانا الجانى
وانا المجنون
وانا المفتون
وانا اللى فى وحدتى خوفى
بنالى من الامانى ظنون
وهيأ فى الغنا يحبى
وغرر فى اللى كان صاحبى
وطّمع كل من حبيت
وهد قلوعى فوق رحبى

بسمة وحشتينا

وهاأنت ترجعين بنص اكثر من رائع

ابدعتي .. مودتي

يانهار ابيض يا بسمه ..

معقول ما شفتش النص ده ؟؟ ولغاية دلوقتى ..

آسف واعتذر عن التاخير فى ردى .

وتقبلى منى أسفى واعتذارى . واهنئك على روعتك .

تحياتى وتقديرى ...