رباعيات اللي أساء للنبي

( اللي أساء للنبي )
ـــــــــــــــ

اللي أساء للنبي حقده عليه مردود
ملعون عليه الغضب أسود وقلبه حقود
مفضوح كده في دنيته والآخرة سوده وطين
القبر فيه رمته وراح ياكلها الدود

اللي أساء للنبي واطي وطبعة خسيس
غضبان عليه ربنـا واخـد علـي التدليس
ملعــون مكـابر والعنـد مـن طبعـة
أصله جبان مفتري وشغلته التهليس

اللي أساء للنبي ممكن يكـون محـدوف
من إسرائيل أو جهـه فتشلـي عنهـا وشوف
عاملينه كبش الفدا ودا يابنـي أسلوبهـم
وكأنهم بيضحوا من عندهم بخروف

عا اللي أساء للنبي يا مسلميـن بشويش
العقــل متلغبـط بالمعلـومــات تشويـش
الحقـد والكـره جـوه قلبـه معشـش
أعمي البصيرة والنظر شيش بيش

للي أســـــاء للنبي ربك ما بيســـيّب
والســــــهم لو يترمــــي عمرة ما بيخيّب
هايروح لمين ولفين مسكين البعيد واهم
يوم الحساب مش بعيد .. عا الكل و قُرّيب

اللي أساء للنبي ما بينا ماله وجـــود
مغضــوب عليه م الإلـــه الواحـد المعبـود
كـل الخلايــق بتلعــــن في أصله
والصبر والله نفـد من بعد اي حدود

اللي أساء للنبي أكيد دا ناوي خـراب
عمـال بيشعل فتن خايـن خسيـس كـداب
يا رب قادر تطفــي غِلـه وتحريضـه
ويعيش حياته حيرة ومرار وعذاب

اللي يسئ للنبي بيسئ لنفسه كمان
مردود عليه الإســـــاءه والظلم والبهتان
لازم نرد ونعــــــــــرفه قيمته
أخلاق نبينا والسنه والقرآن

اللي أساء للنبي بالطبع مش إنسان
القلب زي الحجر وإن كــان حجر كان لان
كل اللي شــــافه حبــــــــه وشهد له
حتي الحصي بين إيديه كبر وقال ( سبحان)

اللي أساء للنبي .. مسلم كمـان منا
إسلامـه جوه البطاقـة .. لكنـه مش منا
فـي السب ويا الإهانـه يسمعك دواوين
يارب يا منتقم .. ينزاح بعيد عنا

اللي أساء للنبي محكوم عليه بالموت
وإن طال عليه الأمــــل لازم أكيد ها يموت
العبرة في اللــــــي قبلـــــــه ياخدها
قارون وفرعون وهامان .. كانوا رمز للجبروت

للي أساء للنبي هانقول كمان وكمان
إسلامنا جاي للهدايــة بالحجـــة والبرهان
أخلاق نبينا محمد .. عــالأرض كان يمشي
الحكمة والموعظة .. زي الأيات قرآن

اللي أساء للنبي قاصد يهين مسلمين
هانواجهـه بالموعظـة والحكمـة ويا الليـن
لو كان بيفهم هـايرجـع ..وإن كـان غبـي !!
إلهْنا قال للرسول ( إنا كفيناك المستهزئين )