ست عيال وامهم

ست عيال وامهم

دكان بقاله

دكان بقاله اتربى منه

تلت رجاله وتلت بنات

دكان بقاله فتحته امى

بعد ابويا ياناس مامات

دكان فى حاره قصدى ف زقاق

طب والصراحه كان فرش مرمى على الرصيف

وعيال بتلعب ولما تتعب

مساكين يناموا فى نفس المكان

اصل الحقيقه

بعد ما مات ابو العيال

زنقة ايجار

والعيشه نار

ولاحد واقف جنبها

الكل مستنى فرصه ينهش لحمها

الكل عايز قربها

بس الكلام ده عندها لأ ماتلائيش

كات ست ايوا لكنها

فى رجوله ساكنه جسمها

قالت عشان كوم لحمى لازم انتظر

حكم الاله

وانا واثقه انى هنتصر

والفقر ده راح ينكسر

مش شرط مال

يمكن الاقى الخير فى قلوب العيال

يمكن احس انهم بالنسبه ليا جاه ومال

قوة وعزوة من غير ابوهم حكم القدر

وحكم القدر سبعه فى شارع ع الرصيف

والعشا من غير كلام دقه وعيش

طب ادعى عليك ابو العيال واقوله انت السبب

انت ال سبت الولاد وجريت قوام على الميدان

بيقولى ماشى هخلع ال سلب

حقى وسرقنى من زمان

ليه كده يابو العيال!

سبتنى لوحدى طردونا

عشان معاييش ايجار

سبتهم يحرقونا ويرمونا جوة نار

يابو العيال مش كنت خايف ع البلد

ويوم ما مت الحلم يومها اتولد

بس اتسرق

ايوا اتسرق والبخت مال

اسمك خلاص والله اتنسى

واتنسينا انا والعيال

كوم لحم اخرهم صغير رضعته

شحتها كتير من الجيران

لبنى فى صدرى جف

والعقل منى خف

وحياة ربنا ومحبتك جوايا

لاطفح الدم لجل اربى العيال

على الرصيف

او جوه حاره

او فى الزقاق

ومطرح مايرتاحوا يناموا

قلبى غطاهم

وجسمى ليهم فرشه تحمى ضهرهم

برد الليالى وولعة النهار

حكم الاله وانا راضيه بيه يا ابوالعيال

والحمد دايما سكتى

والبسمه ليا فى دنيتى

ولاعمرى هشكى لحد غيرك ربنا

مهما يارب البخت مال

ست عيال وامهم فى رحمتك

وانا واثقه فيك يامخفف الاحمال

.....................................................شاعر الحب

..............عبدالتواب الرفاعى

قرات استمتعت جدا بالمضمون الرائع

ابدعت وتلآلآت فى هذا النص

مودتي

اشكرك رضا محمود شاعرنا الكبير
ورغم نقدك الجميل اوزنها وانت هتلاقيها موزونه بودانك تحياتى
شاعر الحب

احمد رجب معيط
حبيب
قلبى
دائما مبدع حتى غفى تعليقاتك
شاعر الحب

حبيب قلبى ال دايما
بيدفعنى للامام
عم\عادل عوض سند تحياتى لك من
تلميذ الى استاذه
شاعر الحب

وكل ما اشتاق لحبى القديم
اطلع بسرعه ع السطوح
وامسك بايدى خشب الغيه الحزين
ال بيشهد ع الهوى والروح
وقت اللقى
كان الحمام موجود
والغيه رغم زحمتها
الا انها مفروشه بالورود
وكأنها مجهزالنا حفلة عشا
وورد حب
وكأن العندليب
بيغنى لينا فى الغرام موعود
وضى القمر
اه ع القمر
شاهد عيان على حبنا
ايوا القمر
لما اختفى ونوره انطفى
توهنا عن بعضنا
خلانا نمشى ف الف سكه
ومستحيل من تانى يوم
يرجع حبنا
بس انا
كل ما اشتاق لحبىالقديم
برمى خد على غيتى
ورغم انى وليفى طار
والقلب نار
الا بانى بحس بشعور غريب
شعور عجيب
طيفه ساكن كل حته ف المكان
والحمام رغم انه مش نفس الحمام
الا انى شايفه ف المكان
وبحس انى رجعت ييجى تلاتين سنه
ايوا انا فاكرهم انا
كان عمرى يسبق عمرها بخمس سنين
كان قلبى زى قلبها مليان حنين
كان ليها اب
الله يسامحه
فرق هوانا وحبنا وعشرة سنين
اختارلها المال الكتير
وعزبه كل ارضها مسقى بأنين
انا لسه فاكر عمرها
كان عمرها عشرين
وعشرين حمامه ف القفص
هجروا القفص
وعاش القفص مهجور حزين
ورغم ان الحمام مالى القفص
بس القفص بقاله ييجى تلاتين سنه
بيبكى انين
ولاحد سامع شكوته
ولاحد حاسس بلوته
وهو حد ينسى حبه
ولاحد ينسى قلبه
مهما مرت السنين
وانا لما بطلع بصبره
لما باقوله
والله فاكره ياقفص
بنفس صورته وبملامحه
وساعات كتير ليه بوصفه
مااناأكتر واحد يعرفه
حبى القديم
....................................
شاعر الحب