الصّدف

يا ناقوس خطاويها دق
ولم ف المركب اهات
لون المالح بدمك
واندهش
شق الامانى
لجل يتشكل جنين
لما تبقى الام مجهولة الهويه
يبقى اصل الاب طين
قطع الورقة اللى نصت
ان ريقهم يمتزج
تحت اصرار الزمن
عشق التعاشيق بدقة
جوة صدفة ف المحيط
داق كيعانه م العطش
تحت وطأ الانتظار
رمّى شبكه لجل ما يلم الصدف
من دهشته
كل الصدف اكله السمك
كل السمك اكلوه حيتان
كل الحيتان كلها الديدان
صبحت تراب واتشكلت تانى ل صدف
دورات حياه ملهاش امان
وعشان كدا
لساكو مجهولى النسب
لساها مجهولة الهويه
لسانا حلقة من حواديت الترس
مفضلهاش غير الزعانف والكلام
محتاااااااااج انام
فامضيلى ف شهادة وفاتى من سكات
لجل انى اكون بيكى فخور وسط الصدف
لجل ما اتباهى بشقاوتك ويا النوارس والحمام
واغوينى زيي زي باقى الصيادين
ولعى النور اللى مطفى تحت جفنى من دواعى الانتظار
واستحملينى وحملينى بالالم
ولا تسكنينى ولا اسكنك ولا يسكنك ساكن سكن
لجل السكينه
تسكّن الخوف والشجن
لجل فيكى ما ابقى عابر للزمن
وارجع الماضى السحيق
ابقى ادم وانتى من ضلعى الشمال
لا م اليمين
يادى الشلل
حتى ف الجنه جدل
طب خرجينى بره جوفك
حته من تفاح شيطان
او لملمينى وسلسلينى واصلبينى تحت فرع المعجزات
يا تجمعى فيا الصدف!!
يمكن تزيد اللؤلؤات
يمكن التوته تعرى كل حيرتى
م الصباح حتى الممات
ف يا تقبلينى تحت بند الاعتذار
يا تظلى مجهولة النسب
=================
*أحمد عثمان*

هههههههههههههههههههههههههههههههههههههههههههههههههههه .... الشاعر الرائع واخى الاكبر المبدع أستاذ رضا محمود
--------------------------------------
انا سعيييييد بوجودى ف اى مكان حضرتك تتواجد فيه ربنا يخلي حضرتك
------------------
مستنى اخس شويه عشان احط الصوره ههههههههههههههههههههههههه

الشاعر الجميل أحمد عثمان ........ مرحبا بك وسط نخبة من الشعراء الكبار ، مرحبا بك في عالم تاني من الفن والإبداع ، لك كل التحية على البورتريه الذاتي الذي يشتبك مع المتلقي في جدلية فلسفية جميلة ........ خالص التحية والإحترام ...... سليمان الزهيري

اخى الاكبر الشاعر الرائع رضا محمود ... طبقا لتوجيهاتك ف انا هلتزم بالريجيم ههههههههههههههههههههه ومحدش هياكل من الطبق دا غيرى برضو .... انا سعيد جدا بانضمامى وارجو ان اكون عند حسن ظن الجميع

الشاعر الكبير والرائع .. الاستاذ عادل عوض
لا استطيع اخفاء سعادتى وفرحتى الشديده بالترحاب الذى لقيتمونى به
وانا سعيد بوجودى وسط هذه الكوكبة الرائعه من المبدعين
وسعيد جدا ان النص نال اعجاب حضرتك
وارجو دائما ان اكون عند حسن الظن

الشاعر المتميز الاستاذ سليمان الزهيرى
انا سعيد جدا ل وجودى وسط هذا الجو الحافل بالابداع
وزادت سعادتى لان نصى المتواضع نال اعجباكم
ف لك منى جزيل الشكر والاحترام والتقدير

اهلا وسهلا

بشاعر متميز

ونص اكثر من رائع

ابدعت

الشاعر المبدع أحمد رجب معيط
زادت سعادتى بمرورك وقرأتك للنص
لك منى جزيل الشكر