هواكى مملكتى

أنا الحاكم بأمر الحب ...

وحبك هو مملكتي ....

أنا فارس في بحر الشوق

وشوقي ليكي .... دا من حيرتي

أنا اللي هواكي عذبني ....

أنا اللي سنيني هزتني...

أنا اللي عنيكي نسيتني ...

أنا الحيران ولا داري ...

أنا اللي قلبي بيداري........... وبرده عيوني تفضحني ...

أنا التايه في بحر غرامي من بدري ...

وجوه عنيكي أنا بجري ...

ويوم ما أتوه عن الدنيا ....

عيونك نورها يرشدني ...

وسحر هواكي بخطفني ...

ولا حاسس ولا داري ... ..... غيابك والله موتني ...

هواكي يا روحي مملكتي ...

يغيب شوقك عن الدنيا ....

تضيع أحلامي دي ف ثانية ...

هواكي يا روحي يندهلي ...

ولما تروحي يوم تمشي ...

تضيع مني السنين وتفوت ...

وكل أحلامي والله تموت ...

وبرده هواكي جوايا ...

عيونك ..عايشة ويايا ...

عشان .. حبك دا مملكتي ...

وحيرتك .. هي من حيرتي ...

ويوم ما أنده علي صورتك ...

الاقي صورتي تندهلي ...

عشان صورتك .. دي من صورتي ...

ويوم ما أسرح ألاقي خيالي بينادي ...

حبيبك والله ما هو عادي...

أنادي بعلو الصوت ...

بحبك .....

ومش خايف معاكي أموت ...

يا روحي بنادي من بدري ...

عشاااااااااااااااان خاطري ...

تضميني .....

هواكي جوه نور عيني ...

يا روحي خلاص تسامحيني ...

أنا تايه ولا عايش ...

بلف الدنيا من غيرك ....

ومش لاقي ولا مسكن ....

ولا مطرح ..... ولا ملجأ

ومش هعيش ....

إلا ف عيونك ...

أنام جوه رمش عنيكي .... وجفونك ...

ف غيرهم والله ما انا ساكن ...

عشان حبك دا مملكتي ....

عشان حبك ..... دا مملكتي ...

بقلم محب الوادى
ايهاب سعد حافظ

جميل ما قرات اخى الشاعر
موسيقى تنبأ بقدوم شاعر حقيقي و ان كانت هناك بعض الهنات البسيطة التى يسهل تداركها فيما بعد

دمت بكل ود و اهلا بك شاعرا رائعا و اخا عزيزا