إجرى ورا حلمك

إمشى فى طريقك وإحلم كمان

إتعب وإتعب عشان توصل يا مان

واصل مسيرك كمل حياتك

واصل إنجازاتك هىَ ممتلكاتك

إجرى ورا حلمك تحت أى ظروف

إقتل جواك أى شعور بالخوف

ما تسمعش لحد اللى يحلم ياما يشوف

هتشوف اللى يحبطك بأى جملة

ومش هيفكر يشجعك بكلمة

هيقولك خيالك العالى عاملك أزمة

هيقولك يا مان حلمك فوق السحاب

لو قولت أطوله تبقى إنتا كداب

يا مان صحصح وفوق حلمك عالى عليك

يا مان رُوق و رَوق حلمك بعيد عن إيديك

إللى بيحبطك موصلش لحلمه مع إنه كان على الأرض

وعايزك تبقى زيه بالطول أو بالعرض

أنا باقولك إجرى ورا حلمك عشان تكون

ويوم ما تحققه هتشوفك كل العيون

هيباركولك حتى إللى كان شايفك مجنون

ساعتها هتشوف الفرحة فى كل شئ فى الكون

لما توصل لحلمك تبقى بطل فى عيون كل الناس

لما تحققه هتحس بأجمل إحساس

ساعتها بجد تبقى بنيت لنفسك مكان

ساعتها هيقدرك ويحترمك كل إنسان

وأقول للى مبيعرفش يحلم حاول

ولما تلاقى حلم كمل فى طريقه وواصل

وإن وقعت جرب تانى وثالث ومية

عشان توصل لازم تكون عزيمتك قوية

الحلم هو أول طريق للنجاح

بعدها لازم العمل والكفاح

إوعى فى يوم عن حلمك تسرح

كافح لحلمك لازم هتنجح