بدلة عادل - مساجلة شعرية

عبد الله جمعه كتب:: ركب في الكمين شفاط
لاجل ما يطرد منها الريحه
يعني ف صيف لو فيها شياط
ما يهموش ما يخافش فضيحه

واما بيمشي يدوس بنزين
بدلة بتمشي بآخر سرعه
بدله بتنفع ع الوشين
ومطعمها بآخر جرعه

بدله موديل العام وحياتك

التكييف من النوع الفاخر

لما بندحل بلقى { الباركينج }

جاهز والنسوان عالآخر

لكن انت بتركن بره

والنسوان عنكم تتاخر

عبد الله جمعه كتب:: بدلة عادل ماشية برخصه
أجره وخاصة ونقل كمان
دولي يسوقها ومرخصها
لنقل الموتى في الأحزان

في الأفراح تلاقيها ف زفه
بدلة أنيقه وآخر خفه
بيزوقها بورد وزينه
تلقى الكوله بودن وشفه

منا بلبسها فى حزن وفرح

ومرخصها كمان { اكفان }

لكن لما تشوفها الموزه

قلب الموزه يصير عيان

حا نحيبهالك يوم تلبسها

لما نحطك فى ماريستان

عمنا عادل لابس بدله
قال مش عاجبه حد فـ جيله
طول اليوم يمشي ويتغندر
نفسه فـ صيده حلوه تجيله

يرجع بعد المشي ويقعد
يفتح فيسه ويسهر ليله
جنب الفخ عشان لو عفر
بس القعده هدت حيله

عبد الله جمعه كتب:: بدلة عادل أصفر ف اسود
تاكسي بيمشي ع الكورنيش
واما تشوف المزه بتحود
أصله منجدها بالريش

مره وقفنا بيها ف لجنه
طلع للظابط رخصتها
كان بيسوقها بسرعة مخالفه
أخد الظابط قال نمرتها

ايوه وفعلا كله عارفها

بيقولوا البدله المجنونه

والضابط دايما بيشوفها

ومركب جنبى { البلكونه }

وفاء أمين كتب:: هههههههههههههههههههههههههههههههه

طب والنبي دمكو شربات
ضحكتوني وكنت بعيّط
على بدلة عادل بالذات
فكرتوني بكل مساجلة
بتجّمعنا ولا الاخوات

بدلة عادل بس ناقصها
لولي وترتر مهي لميع
جي يتأنتك بيها لابسها
لما تشوفوا تقول دا مذيع

اهلا بيكى ونورك غطى

عاللى بيدخل ينكش فيّه

بس وربك حرفى الشطه

يحرق فى اللى بيجى عليه

عبد الله جمعه كتب:

وفاء أمين كتب:: هههههههههههههههههههههههههههههههه

طب والنبي دمكو شربات
ضحكتوني وكنت بعيّط
على بدلة عادل بالذات
فكرتوني بكل مساجلة
بتجّمعنا ولا الاخوات

بدلة عادل بس ناقصها
لولي وترتر مهي لميع
جي يتأنتك بيها لابسها
لما تشوفوا تقول دا مذيع

أيوة مذيع نشرة أخبار
قيمة وسيما وخفه وزينه
بس البدلة ناقصها زرار
لاجل ما تتحول فاترينه

لولي وترتر ف الأفراح
بدلة رقص بوسط مدندش
أول لما هاشوفه لابسها
راح انقط بجنيه واتدروش

فعلا نفس البدله دى عندك

بس بينقصها السوتيان

والوسط الساقط بيبين

والمتخبى قوام بيبان

والترتر عندك بالزوفه

والفتحات زى التكييف

فاكرك لما عملت بروفه

والناس بتحييك تصقيف

يالا يا عادل قولنا بقى هتروح على فين
كل يوم تلبس تتشيك فارق شعرك عالجنبين
ولا انت واخدها هوايه صيف شتا مش فارقه معاك
ولا المزه تحب البدله بالكرافاته احمر فوشيا باللونين

عبد الله جمعه كتب:: بدلة ( كوريا) ف فيلم هنيدي
لما بتطلع بتجنني
هزة اتنين وتلاته يا سيدي
ما هو ده إللي يا أختي هابلني

اصل البيت دا حا يفضل طاهر

{ كوريا } قالتها فى فيلم هنيدى

واتأثرت بكوريا الظاهر

جاى وبتقلدها يا سيدى

عبد الله جمعه كتب:: طب وحياة ( حسني ) المخلوع
بدلة ألاجه وشغل سياسه
لو راح ابات محروق م الجوع
نفسي أبات لو في الدواسه

نفسي أروح واعمل عيان
واشحت منه بدله البسها
لونها أزرق ولا شغل ليمان
ربك هو المولى حارسها

بتشبهنى بحسنى يا فالح

نفسك لو راح اكون مخلوع

يعنى خلاص مالقيت غير كالح

جوه السجن هناك مرزوع

حا نجهزك بدله رمادى

لجل ما تتدلع وحا تظهر

بس صراحه العقل يقوللى

عايز بدله بلونها الاحمر

عبد الله جمعه كتب:: بدلة عادل لما ينام
يقفل من جوه بترابيس
متقسمه أوضتين ورسيبشن
عفشة ميه وليها هويس

والمنور بيرد الروح
حاجه جميله وفيها طراوه
أصله فارشها من مطروح

والبرقع دمياطي نقاوه

ومبلطها بالسيراميك
( كليوباترا ) وما ليهاش تقليد
والسجاد من شغل بلدنا
ووسط البدله النجفه تقيد

ومركب انذار فى الكوله

وكمامها كاميرات دواره

رغم انى بنام فى { البلكونه }

فى البرد وبتضخ حراره

وفاء أمين كتب:: مكتوب عالبدلة المذكورة

حاسب يعني وقوف متكرر

متقولشي دا لعيبّ الكورة

كل اللي تقرب له تفرفر

يكفي ربنا شر عيونك

ما يحسدش المال غير صاحبه

انتى معاهم ولا معايا ؟؟

واحد جايب واحد ساحبه

شايفه الكل يقطع فيّه

ابقى ف جنبى واحمى اخوكى

دول اكتر من عشره يا فوفا

وانا شارى وهما اللى باعوكى

عبد الله جمعه كتب:: حاطط عند الباب مشايه
يمسح فيها قوام رجليه
تحت الكول حاطط صفايه
لاجل يصرف ياختي عليه

بعد ما يدخل فيها يمين
يلقى الحوض من سخن وبارد
جيبها افرنجي بشطافتين
بيمدد رجليه بالجامد

أصل الخياط كان سباك
من منازلهم شغل عموله
عمل الصحي وجاب سلاَّك
والمواسير في الرجل الشوله

طيب{ صرفى } اكيد حا ينوبك

مانت بتعشق صرف الغير

{ وحا نصرف } مش عيب ف جيوبك

اصرف وانت تقول لأ .. خير

والسباك ماهو صاحبك عارفه

طول اليوم وبيشطف فيك

بعد الشطف قصادى وشايفه

بيرش سعادتك بفنيك

عبد الله جمعه كتب:

وفاء أمين كتب:: مكتوب عالبدلة المذكورة

حاسب يعني وقوف متكرر

متقولشي دا لعيبّ الكورة

كل اللي تقرب له تفرفر

هههههههههههه
مكتوب ع البدله المذكوره
حاسب لا هتتعاص م البويه
واما يروح بيها المعموره
يبات محجوز آه يا عيني يا اخويا

طيب معجن ياللا كلامك

واديله وشين كبطانه

مهما حا تدهن قلب حيطانك

حا تبان مش حلوه وبهتانه

وفاء أمين كتب:

عبد الله جمعه كتب:: حاطط عند الباب مشايه
يمسح فيها قوام رجليه
تحت الكول حاطط صفايه
لاجل يصرف ياختي عليه

بعد ما يدخل فيها يمين
يلقى الحوض من سخن وبارد
جيبها افرنجي بشطافتين
بيمدد رجليه بالجامد

أصل الخياط كان سباك
من منازلهم كان شغال
عمل الصحي وجاب سلاَّك
لاجل ما تتسلك في الحال

ه

هههههههههههههههههههههه
طب قوللنا مين النقاش

اللي نقشها وغاظك منها

جاب الوان الدنيا وعاش

عادل كان فين لما دهنها

قصدك ايه يا وفاء ما تقولى ؟؟

شايف نيتكم مش صافيه

لو راح تحكم عالبلكونه

فعلا بدهنا وبالعافيه

سلوى سيد عبدالعزيز كتب:: عادل واد حبيب ----- وفلاتي

جت لة رسالة تقول يا حياتي

انا حنتظرك----- عند الحاتي

ولبس بدلة وراح ---- متشيك

ولما قابلها صرخ -- دي مراتي
**************

انتى نهايتك جات على ايدى

مش حارحم ضعفك وآهاتك

بقى بنآمنك سرى وانتى

تفضحى سرى رغم سكاتك

سلوى سيد عبدالعزيز كتب:: عادل والله يا ناس محسود

اصل جمالة مالة--- حدود

شوفتوا اليدلة--- ولا العود

ربي يصونك من حسادك

ييجي في عينهم مليون عود

بعد فضيحتك بتصالحينى ؟؟

طيب مين قالك حا نسامحك ؟؟

انا بحلف لك اهو وبدينى

حا نبوظ شكلك وملامحك

ههههههههههههههههههههههههههههههههه
اشوووووووووووووووفك ..

سلوى سيد عبدالعزيز كتب:: عادل لابس بدلة---- جنان

شوفت وراة طابور نسوان

من كتر المزز اللي --قابلها

عقلة ياعيني -- حصلة جنان

**********

ما انتى كمان شفتك وياهم

جيتى قوام ومسكتى ف ايدى

ووجعتى دماغى بكلامك

لتاته وبتقولى تزيدى

سلوى سيد عبدالعزيز كتب:: عادل لابس شورت وكاب

شوفتة بياكل ربع كباب

لما سآلتة فين احبابك

قالي خلوا حياتي هباب

*************

فاكره لما عزمتك مره

والسفرجى سبلنا الدين

كلتى الفرخه كلها وحدك

حتى ماسبتيش الرجلين

محمود جمعة كتب:: جميلة ... مشوار صغير وراجع لكم ... هههههههههههه

ههههههههههههههههههههههههههههههههه

عوايدك ولا حا تشتريها .

ماشى ياعم منتظرينك ...

محمود جمعة كتب:: بدلتة زي قميص النوم

مفتوح ع البحري ومخروم

تجري وراه ميت الف عروسة

يطلع ابوها يا عيني مصدوم

****

قلت لعاطف ولعبد الله

شايفين عادل يا أختي أسم الله

شغل البدلة عمل له فضيحة

يدخل .. يطلع مطرود بره

****

قالوا طب نعمله مساجلة

نحرق فيها أم البدلة

يمكن يعقل يوم ويفوق

ويبطل دندنة ع الطبلة

ومنين تعرف انت يا حوده

فيه قمصان للنوم محروده ؟؟

دا انت كبيرك لو يوم تلمح

عالمنشر قمصان مفروده

تقعد تتغزل وتشاور

وتنط ف بلاليع ومناور

وف مره بتعاكس واحده

ويوميها العلقه كانت سوده

عادل عندة دولاب مليان

اللي يشوفة يبات غيران

وآما يهل علينا سعادتة

كل شبابنا ييجي لة جنان

محمود جمعة كتب:: بدلة عادل مغناطيسية

تجذب كل بنات المية

تجري وراه خالتي أم عزيزة

وتقوله محتاجة حنية

*****

عادل يعمل فيها اليط

يتنطط ع الناس تنطيط

البدلة جابت أم عزيزة

طقم سنانها يقول ده عبيط

( مع شديد الاحترام )

يعنى خلاص القافيه وحبكت

تختمها وبكلمة { الطيط }

وام عزيزه باعته تقولك

اخبط راسك ف اقرب حيط

بتحبنى وبتجرى ورايا

لسه يادوب اربع { اعشار }

كنت انا قاعد جوه معاها

وانت باصصلى مولع نار

عبد الله جمعه كتب:: بص يا حوده بعين فنان
زرايرها مش من قدام
أصله شاريها م المعموره
بزراير من ورا وكمام

منا خلصت وحا نجيبهالك

لجل ميعادك اول مارس

والدكتور دون فى الدفتر

حا يجيلك ومعاه ميت حارس

عبد الله جمعه كتب:: بدلة عادل واسعه وحره
متهويه بشيش من بره
من حلاوتها راح فصلها
طولها يا دوب من فوق السره

بدلة جميله بست كمام
اتنين ورا واربعه قدام
لما بيرجع ورا بمرايه
وفرامل رباعيه تمام

كان ناقص اعملها بشنطه

ووسائل دافعه توماتيكى

علشان ادهسكوا باشكالكم

اللى تفكرنى بميكانيكى

سلوى سيد عبدالعزيز كتب:: بدلة عادل قيما وسيما

لبس اتشيك راح السيما

علق مزة جميلة ولكن

لطشت فلوسة بنت اللئمة

مين قالك عالقصه داهيه ؟؟

رغم ماقولتش حد عليها

اوعى تكونى انتى وباعتاها

والمحفظه تتقاسمم فيها

» دكان عادل ( مساجلة شعرية )
» مساجلة شعرية فهل من دخول ؟
» ترام أم القوافي مساجلة شعرية
» مساجلة شعرية بين الجندي والخنساء
» يا دبوسك - مساجلة شعرية جديدة