يا فاهم سياسة

[size=24]يا فاهم سياسة
يا أخر كياسة
يا ريت لو سعادتك
شوية تنازل
وتقعد تفهم
حمير البلد
يا عم الكبير
ولاحظ سعادتك
بان الحمير
عددهم كتير
......
جنابك وهمّا
جنابهم كتير
يوماتى كلام
يا اما ال t.v
يا اما الأثير
ساعات م الكلام
بدون أن تملوا
وكله يعقد
بدون أن تحلوا
تجعلص كلامك
وكله يجعلص
وتبدأ منازلة
من الجعلصة
وكله بتمنه
وكله فضائى
كأنك رميت
ماضيك من ورائى
كأنى ما شفتش
بأنك هوائى
ما قلتش منافق
يمينا بتمشى
يسارا بتمشى
وترجع تنام
وانا اسهر ما انامشى
......
لكن برضه يعنى
مفيش أى مانع
من الترجمة
عشان أبقى فاهم
ويدخل كلامك
الى الجمجمة
وتقبض يا سيدى
وانا الطم خدودى
عشان انتوا لسه
بتاخدوا البواكى
وانا برضه لسه
باسجل سراكى
وباعمل دفاتر
عشان لما ييجى
ميعاد المرتب
ما اكونش استلفت
وصادق يا سيدى
سواءا حلفت
أو لم حلفت
بأن القضية
قضية وطن
وأنك بتدفع
معانا التمن
ولكن بلاش
الكلام الكبير
عشان الحمير
عددهم كتير
وأخر سؤال
زرار التلون
نجيبه منين
[/s

الله عليك يا حمدى

صحيح من ماسمعنا وشاهدنا فقدنا الثقه

فى كل ما حولنا . نصك جميل والله يا حمدى .

تسلم ايدك واحييك على نصك الرائع .

مودتى وتحيتى ...

كأنك رميت
ماضيك من ورائى
كأنى ما شفتش
بأنك هوائى
ما قلتش منافق
يمينا بتمشى
يسارا بتمشى
وترجع تنام
وانا اسهر ما انامشى
والله ياأستاذ حمدى انت جبت الفايدة أغلبهم ناس منافقين ولاد ستين ...........
احييك اخى الحبيب على نصك الرائع
دام ابداعك يااستاذ حمدى
تحياتى لك ياشاعر