اللى اساء للنبى مساجله شعريه لشعراء منتدى عاطف الجندى

اشتراك مجموعه من كبار الشعراء من منتدى عاطف الجندى الادبى لنصره سيد الخلق سيدنا محمد عليه الصلاه والسلام
مساجلة بعنوان ** اللى أساء للنبى **
ــــــــــــــــــــــــــــــــــــــــــــــــــــــــــــــ
الشاعر محمود جمعه مشرف العاميه بالمنتدى

اللي أساء للنبي
مسكين مريض بالجهلْ
جاهل حقود مفتري
والخلطة دي
مش سهل ْ
لو إنه عَرف النبي
كان أتبع دِينه
وقدّم المصطفي
ع النَفس قبل الأهل ْ
اللي أساء للنبي

عايش ف وهم كبير

فاكر بأن الهبل

راح يعمل التغيير

ربك وقال حكمته

في محكم القرآن

حافظ كتاب أنزله

كافي النبي التشهير
ــــــــــــــــــــــــــــــــــ
الشاعر عاطف الجندى مدير المنتدى

اللى أساء للنبي في الدنيا ماله حياء
الحقد فيه انطوى و الغل أصل الداء
لو كان فهم دعوته ،أو بص ف القرآن
ما كان غلط غلطته أو عوَّى ف الأرجاء !
اللى أساء للنبي
في الدنيا فهمه قليل

تقول له قال ربنا
أو جالنا ف التنزيل

يقول كلام البشر
و مؤلفه صاحبك

تقول له أفهم بقى ..
تلاقيه طالع له ديل
ــــــــــــــــــــــــــــــــ
الشاعر عادل عوض سند نائب المدير بالمنتدى


اللى اساء للنبى فى الاصل هوه غشيم

والكفر لو حا اوصفه موجود واصله قديم

لكن بقى ف عصرنا يطلع جهول حيوان

يشتم ف سيدنا النبى . وهوه اصله بهيم
ــــــــــــــــــــــــــــــــــــــــ
الشاعر احمد رجب معيط عضو بالمنتدى
كذاب الل قال ع النبي كذاب

ووحي الاله للنبي حديث وكتاب

سافل .. جبان .. جاهل .. غبي

اللي اساء للنبي واللي سب النبي

ولو تاب ملعون فى كل كتاب
ــــــــــــــــــــــــــــــــ
الشاعر محمود الشاعر عضو بالمنتدى
اللى أساء للنبى
فى الاصل ما عنده دين
لو كان من طبع البشر
كان عرف ان اصله طين
شيطان وضحك عليهم
ومين اللى هياخد بايدهم يوم الدين
لو كانو عارفينه
ما كان فى يوم رسموه
لو كانو عارفينه
ما كفى حياتهم لوم
ازاى يسبو النبى
ويبيعو اخرتهم
ده هو ده عين الكفر
اللى عمى قلوبهم
اللى أساء للنبى
ما يعرف التنزيل
قرأن رب العباد
نصره ليوم الدين
ــــــــــــــــــــ
الشاعر احمد صادق عضو بالمنتدى

اللي أساء للنبي
سيبينه لجنونه

بيغلي دمه الحقود
بين وهمه وظنونه

دا اللي عليه أفترى
القبر ما يصونه

وعهدنا سنته
طريق ماهـانخونه

الله فسابع سما
كافي عبده وشؤونه
اللي أساء للنبي
يا ويله صبح وليل

لا طعم في لقمته
عايش وقلبه ذليل

وياشقاه في أخرته
هيشوف في ناره الويل

لأمريكا هتنفعه
فسعير عذابه تقيل
ــــــــــــــــــــــــ
الشاعر محمد عبد الواحد
اللي أساء للنبي حقده عليه مردود

ملعون عليه الغضب أسود وقلبه حقود

مفضوح كدة في دنيته والآخرة سوده وطين

والقبر فيه رمته عمال ياكلها الدود
ـــــــــــــــــــــــــــــ
الشاعر الامير صلاح سالم


هذا الذي سبَّ النبيَّ محمدا
لو كان يعلم سمته لبهِ اقتدا

يا كاتباً هلا قرأت مسيرهُ
فانظر له فهو الكريم الأجودا
ــــــــــــــــــــــــ
الاديب محمود بسيونى

اللي أساء للنبي منلُمشي على جُرمته

لزّقنا فيه السبب واحنا سبب فعلته

يا أمة فيك العجب بطلتوا تستحيوا

لوغيرانيين عـ النبي كان سُنّته تحيوا
ــــــــــــــــــــــــــــــــــــ
الشاعر عبد التواب الرافعى
الىأساء للنبى واطى وابن كلاب
لقيط وامه زانيه والطبع فيه غلاب
لو يعرف قيمة النبى وعظمة تالانساب
لراح لقبر النبى يحلفله انه تاب
وساعتها اه النبى
هيسامحه ويقوله
الغلطه مش غلطتك
دى غلطة ال ساب
كل من هب ودب
يشتم يهين ويسب
ونفتحلهم ابوابنا
ونديهم الحب
لو احنا قاطعناهم
هييجوا يترجوا
بترول وقمح ورز
يال تسب النبى
ينعل ابوك ومنى انا ليك
مليون يا زفت طظ
ـ÷÷÷÷÷÷÷÷÷
الشاعر رضا محمود
اللي أساء للنبي... شاف مُسلمين تايهين

الكَهلْ قبل الصَبي...للجهلْ.. قالوا آمين

نسيوا الفرُوض والسُنَنْ وشريعة الإسلام

واللّي بينسى الإله..خسراااان ليوم الدين
اللّي أساء للنبي..(عُصبة) ما بين ملايينْ

أذكى ما فيهم غَبي..والباقي مُش فاهمينْ

لوكانوا عِرفوا النبي.. أو فهموا أخلاقُهْ

كان عاشوا للمُصطفى أتباع في دُنيا ودِينْ
اللّي أساء للنبي...لو مَهما قالوا عليهْ

إنسان غريب أجنَبي...والمُسلمين حواليهْ

عايشين عبيد للدولار والكُرسي والسُلطانْ

والأخ لَجل الميراث.. يقتل أخُوه بإيديهْ
اللّي أساء للرسول...عَـند السِفـارة شبابْ

من أصل نسل الفلول..واللّي ضميرهُم غابْ

مِنْ إمتَى كان الدّين يحميه شباب مسااطيلْ

د اللّي يسيئ للنبي..ملعُـون في كُل كتابْ
÷÷_____________
الشاعره بسمه الورد مشرفه الخواطر
اللى أساء للنبى صحبه من الخايبين

لا عرفوا يوم مذهبه عاشوا كده مساكين

سيبهم على حقدهم ف الكفر وهمومه

وأحيوا ف سنة نبى أغلى من الغاليين
____________
الشاعره ناديه محمود
على اللى أساء للنبى ربى حسيب ووكيل
يقول ويعيد أفترى وماله عليه تقويل
ده ربى صلى عليه وسلم ليوم الدين
ولا بعد سلام الله للقول يا خلق سبيل
لكن بكفره يسئ للى الإلاه علاه
ولا دارى ان الخزى والنار كمان مأواه
_________________
صلى الله عليك يا علم الهدى