خلف الجدار

فلسطين
خلف الجدار
خلف الجدار شايف نقى*** طرحه النخيل جوه الحدود
والتمر راح أصبح بارود ***والسعف راح أكل الخدود
خلف الجدار
الأم شايله إبنها بتعلمه ***بتوشوشه وتفهمه إزاى يجود
بالروح دى مسكه متعطره ***والضحكه رسمه لمايعود
خلف الجدار
يادموع كفايه لا هسلسلك*** وأحولك ثلج ودمار
ويافرحه ليه متحجره ***متحيره بين نور ونار
يكفينا لم الشمل ليله*** لجل الظلام يصبح نهار
خلف الجدار
يا أمة الإسلام تعالى*** واتلمسى منى القرار
من غير سلاح أهزم تعالب*** من غير بارود أسقى المرار
خليكى واقفه واتفرجى*** إزاى ولادى كشفوا النهار
خلف الجدار

كلمات/ عبد الناصر رجب