فين أتباع أعظم رسول"قصيدة" للشاعر سيد البالوي

قبل الصراخ والعويل
الكل شارك ف الخطأ
اللى بيجرى ع البديل
واللى بلادهم راح وطئ

واللى عاشقين للدولار
واللى وخدينا ستار
واللى مسكين القرار
واللى بيديروا الحوار
واللى ساجدين للسفارة
واللى مسكين الحجارة
واللى ليهم الف باب
واللى رافضين الحجاب
واللى احزابهم هباب
واللى بيعين الشياب
واللى افلامهم رخيصه
واللى ماشيين واهى هيصه

وتقول لى ليه شتموا الرسول
واحنا هنعلن الغضب
قاطع وقطع مانت ايه
اخرك ف فيتو او شطب
جوة بلادنا دينا راح
مابين تطرف وانفتاح
سبنا رسالة عزنا
وادى عزنا سبنا وارتاح
الدين دا مادة مش نجاح
ودا بردوا شيء ما يهمنا
ومعونه تشفى من الجراح
والفرقه عايشه ف سطنا
و فياجرة الجنس اكتر من الفول

وتقول لى ليه شتموا الرسول
بثقافة بتلعن ف الاسلام
ومشايخ عايشه ف احلام
وحكومة تاكل مال ايتام
وشبابنا غايب مش مسئول
وتقول لى ليه شتموا الرسول
داسباب الدين اكتر من الهم
والكدب بيجري مجرى الدم
والجاهل سيد اهل العلم
وان قلت ال لأ تعيش مخبول

وتقول لى ليه شتموا الرسول
ماحنا بقينا شوية اشلاء
وبنشتم بعض ف كل مساء
ولاحد ف مرة قال مستاء
ولاحد يقول ياخوانا حلول

وتقول لى ليه شتموا الرسول
لازم نرجعله اللى كان
والعزة ترجع للاسلام
فدعوة ومعامله واخلاق
ووحدة ف محبة وايخاء
سعتها نقول احنا اتباع
سعتها نرجع اللى اتباع

سعتها بعلوالصوت هنقول
فين أتباع أعظم رسول

بقلم :سيد البالوي

اخى الشاعر

السيد البالوى

جميل ان نغضب ونصرخ برفضنا للاهانه

التى تعرض لها رسولنا الكريم ..

ومامن شاعر إلا واعلن رفضه ودوت صرخته مابين ابيات قصيدته .

ولكن يؤخذ عليك التسرع فى النشر دون الرجوع الى النص مرة اخرى

للتنقيح والضبط فخرج النص بعفويه ودون مستواك الذى تعودناه .

تقبل ملحوظتى وخالص مودتى ...

عادل عوض سند كتب:: اخى الشاعر

السيد البالوى

جميل ان نغضب ونصرخ برفضنا للاهانه

التى تعرض لها رسولنا الكريم ..

ومامن شاعر إلا واعلن رفضه ودوت صرخته مابين ابيات قصيدته .

ولكن يؤخذ عليك التسرع فى النشر دون الرجوع الى النص مرة اخرى

للتنقيح والضبط فخرج النص بعفويه ودون مستواك الذى تعودناه .

تقبل ملحوظتى وخالص مودتى ...

ان اكثر كلمة تسعدنى فى حياتى هى كلمة النقد وقول الصدق

جزاك الله خير الجزاء استاذى القدير عادل عوض سند

واتفق مع حضرتك فيما قلت
النص يحتاج الى اعادة مراجعة لذا اتمنى من ادارة المنتدى حذف النص وانشاء الله اعيد نشرة بعد المراجعة والضبط

» قصيدة "طار الحمام" للشاعر سيد البالوي
» مليون قصيدة "للشاعر سيد البالوي
» عدد عمري "قصيدة " للشاعر سيد البالوي
» قصيدة علم العروض للشاعر سيد البالوي
» حرفي اليتيم "قصيدة" للشاعر سيد البالوي