الورد اللي فتح

الورد اللي فتح

فى جناين مصر

اللي فتح فينا

و فتح عينينا

وزرع الفرح فى كل شارع

فى المدينه

الورد اللي فتح فى السما

وأرتوي دم

ما طرحش دم

..طرح عمر

...طرح أمل

....طرح حلم

حلم صحي كل

الأحلام الدفينه

الورد بكل لون

وكل شكل

وكل أسم

اخد قراره بكل جرأة

وكل حزم

ورد الجناين كلها

اللي خلي مصر

كلها جنينه

ولقيت وردة بتضحكلي

نزلت دموعي

وبعدين ضحكت

ياتري بتضحكلي

ولا بتضحك

للأمة الحزينه

مين علمك

يا ورد تضحك

والجنايني حزين

مين علمك

يا ورد تصرخ

والناس ساكتين

ضحكنا لما ضحكت

صرخنا لما صرخت

متشكرين جددت

الأمل فينا

مصر النهارده اتغيرت

مابقيتش زي الأمس

طلع النهار فيها

وشوفنا تاني الشمس

والأم اللي تاهت

عن ولادها من سنين

النهارده بس

رجعت تاني لينا