الى زوجتى

ذكرى اليمه
زى النهارده من سنه
يوم خمسه تسعه
اتكسرت واتحجزت
جوه قصر العينى
والحجز كان فى عنبر تسعه
شفت الالم على كل وش
وعرفت مين بيحبنى ومين بيغش
الدموع ملت عيون كل الحبايب
لما اتكسرت
دول جبسونى
وحجزونى
وركبولى
جوه عضمى مسامير
يوم خمسه تسعه
اسودت الدنيا ف عيونى
لما الدكاتره جم قالولى
صعب ان رجلك الشمال
لما تخف
تمشى عليها زمان
يوم خمسه تسعه
حمدت ربى الف حمد والف شكر
انتظمت ف الصلاه وخاصة صلاة الفجر
يوم خمسة تسعه
حسيت كأنها النهايه
وراجعت نفسى من البدايه للنهايه
لما اتكسرت
يوم خمسه تسعه
اه يا ألم
أنا بشكرك
لانك انت يا ألم علمتنى وعرفتنى
من يا ألم بيحبنى
أم عيالى
روح قلبى هى
من ربى كانت أجمل هديه
بكت كتير
صعبت عليا
صبرت عليا لأنها بتحبنى
والله وانا بحبها
وقلبى ساكن قلبها
وحبها زاد فى قلبى لما اتكسرت يوم خمسه تسعه
علشان كده
قلت النهارده اقولها
لانا عمرى هنسى حبك انت
ال زاد جوه قلبى يوم خمسه تسعه
الى ام اولادى ام شاهندا واحمد ربنا يخليهالى

خاطرة جميلة ويكفي انك تعلمت محبة كل من حواليك

وعلى رأي المثل اللي بيقول :

الله يخليكي ياشده عرفتيني عدوي من حبيبي

شكرا أخي عبد التواب الرفاعي وربنا يخليلك زوجتك واولادك

ولا يحرمهم من حنانك ولا يحرمك من حنانهم عليك

مع تحياتي للجميع

وفاء أمين

جميلة تلك المشاعر الفياضة اللهم جمع بينكما في خير وطاعة للرحمن اللهم امين

اشكرك وفاء امين
واشكر ايمان التى دائما تنيرنى

اشكر ك ناديه
ونورتى المنتدى كله

عبدالتواب الرفاعي‏
انا لما احس الدنيا اسودت قدامى
وكل العالم ضدى وضاعت احلامى
وتهت عن اتجهاتى
وضاعت منى حياتى
ولاعارف فين ورايا
ولاعارف فين قدامى
بغمض عينى
واطفى النور
واعيش ف الضلمه
والضلمه بحور
برسم من طيفك قدامى
صورة بتنور احلامى
وبغزل بخيوط عشقك ليا
اجمل اتواب لايامى
بدفا ف قربك وف بعدك
وبرمى خدودى على خدك
وبضمك
وبشدك
وبصرخ فيك صرخه قويه
صرخه عفيه
صرخه من قوتها
يخاف ميه
بس صراخى بحنان وبشوق
ورغم الصوت العالى
الا بانى كلى معاك رقه وزوق
وبغمض عينى اكتر واكتر
وانت بتتقل وبتستكتر
اللحظه الحلوة دى عليا
ضمنى بالراحه بحنيه
شدنى باديك شده قويه
اصرخ للعالم وانطق يلا
قول انك ليا
وانا ليا انا من غيرك انت
الدنيا بتحلى معاك احلى
وبعيش وياك اجمل رحله
وبسيب احزانى فى عز النور
فى الضلمه معاك بغرق ف بحور
والموج وياك بيكون هادى
والوقت معاك لأمش عادى
الساعه بتجرى يمين وشمال
ومعاك على كل الاحوال
وتصدق؟
انا لما احس بان الدنيا
اسودت قدامى
بغمض عينى
وبحلم بلقاك
وبخلق موقف
فى جنينه
ع الشط
فى سفينه تايهه ف وسط البحر
والموج كان هادى
ركنت ف الميه
مستنيه
حد يعدى
وتصدق؟
انا لما احس انك مش قدامى
بتصور شكلك فى خيالى
واحنا فى بستان
وانت حاضنى
وماسك ايدى بتبوسها
وودانى هناك بتوشوشها
وف ايدك الورده الحمرا
ال عارفها بتقدم ليا تيجان الحب
وتصور؟
انا عمرى ف يوم
وانا جنبك يوم
حسيت بسواد
بس انا بغزى عين الحساد
انت المحبوب ال هويته
واتمنيته
وعشانه
الف معاه الدنيا
وامشيها بلاد
انا كل ماحس بان انا مخنوق
او مضايق
او
مش رايق
بغمض عينى واطفى النور
وانده صورتك
بتجيلى قوام
شاعر الحب
عبدالتواب الرفاعى

تحياتى اليك الكاتب عبد التواب الرفاعى
نحن نعيش فى الحياه كى نتعلم ويظهر لنا اكثر اغلى دروس الحياه هى وقت الشده وقت الالم
حنين الحب