كل السنين

كل السنين دي تفيد بإيه ...
دمعك ف قربه أو ف البعاد .
الحب ممكن تشتريه ...
لو بعت قلبك ف المزاد .

ندمان و جاي تلوم عليه ...
مش ذنبه لو شايفه ملاك .
و مش مهم تشوف عينيه ...
عمالة تضحك من وراك .

لخصت لك ياما حكايات ...
و قولت فاهمك من سكات .
إيه السبب ف كل اللي فات ...
بترمي مشاعرك ف الأرض ليه .

مش كل حب أخره جواز ...
و كل الجواز مش أصله حب .
قلب إنكسر ... دا لو كان قزاز ...
أهو عاش ف كدب , و مات ف كدب .

و لو جاي وحشك دمع ف عينيك ...
ع اللي راح و كان بين إيديك .
ضاعت سنين و حرام عليك ...
تضيع زيادة ماتستاهلش .

كلمة باحبك إيه تمنها ...
لا بتشتريها و لا بتنباع .
وكل اللي عشت ف عذاب عشانها ...
فيه بكرة غيرها مافيهاش خداع .

شوف بكرة جاي بأجمل ساعات ...
و أحلام جميلة و أحلي البنات .
بتقول لك إنسي كل اللي فات ...
و كلمة باحبك ... ماتقالتش .

نص حلو كتير
كل التحايا

كل السنين دي تفيد بإيه ...
دمعك ف قربه أو ف البعاد .
الحب ممكن تشتريه ...
لو بعت قلبك ف المزاد .

ندمان و جاي تلوم عليه ...
مش ذنبه لو شايفه ملاك .
و مش مهم تشوف عينيه ...
عمالة تضحك من وراك .

حاجة جميلة جدا

ابدعت