حرب كرامة

لو ح أتمني لحبي علامة ...
غير لهفة عليكي ف دقات قلبي .
مش راح ألاقي أحسن من روحي ...

ياما حلمت اوصل بسلامة .
لمجرد شطك و أرسي بحبي ...
و بكل حنانك أداوي جروحي .

مين يمنعني أدوب ف عنيكي ...
دانا لسه ح أعوض عمري الضايع.
مين دا يلاقي ف لمس إيديكي ...
بيته و يرضي يبات ف الشارع .

شوقي إليكي بقي حرب كرامة ...
و لازم أثبت نفسي و أصارع .

شوقي إليكي مش حاجة خفيفة ...
ممكن تيجي و بسرعة تروح.
دا إنتي دوايا ف دنيا مخيفة ...
شفت أنا فيها ياما جروح .

و بعد دا كله أنا مش ح أستسلم ...
واخد حبي طاقة و قوة .
و قلبك لازم يقدر يفهم ...
أنا إيه و يبص لي من جوه .

أنا فارس جاي لك بحصان ...
أنا حلمك راحتك و أمان .
دوا خوفك و كمان أحضان ...
من بكرة و من غدر زمان .

أنا عاشق ليكي و مكتوب ...
من كلمة من نظرة بادوب .
أنا عمري بحاله مش محسوب ...
لو مش عايشه معاكي .

احييك على جمال الفكرة

واوافق استاذي عادل على

نصيحته لك فنحن هنا كي نتعلم

كيف تكون نصوصنا اجمل

ابدعت