حلمى اكون من الميتين

من كتر قسوة الليالى والسنين
من كتر هجر الحبايب المخلصين
احترت انا وتهت
مش عارف انا ابقى مين
انا ال هويت واتعشقت
ولا ال حبيت واتخنقت
ولا ال بعد ما عشت حر
جوه قلبك اتزنقت
سلسلونى بالف سلسله من حديد
كلبشونى رجل رجل وايد ف ايد
خلوا دم الجسم ينزف
لغبطونى الربيع اصبح خريف
جوه رعشة جسم جامده
الشتا حسيته صيف
العرق عمال يخر من الجبين
والسنين بتجيب سنين
مره احس بانى طاير ف السما
وسنين كتير بعيش حزين
المهم انى تهت والسبب
والسبب معرفشى مين
زعلى من البت ال سابتنى فى عز الحب
ومعرفشى بعدى حبت مين
ولا عشان حلمى اكون من الميتين
تصدقوا
اجمل مكان بحس فيه براحه كبيره
واقدر اغمض فيه العنين
لما بروح عند المقابر
ولما ادفن جوه التراب انسان عزيز
بحس انى والله صابر
وكل شئ اصبح لذيذ
بس لما برجع حاجه تانيه
كله بيتنسى فى ثانيه
المم والهدوم والايجار
كله بيتكركب عليا اه فى ثانيه
والبنت عيانه والام زهقانه
وابنى طلباته ياما
فلوس الدرس
ولبس العيد
وحاجز جزمه
ورغم داكله رحت فرح عند الجيران
مليان زغاريد
الضحكه على وشى رسمتها بالعافيه
ولمة العيله والصحبه بتحس معاهادنيتى دافيه
ونكته مصريه ضحكتنا كلنا رغم الهموم
ضحكه كبيره بالعافيه
بقى كل ده من قسوة الليالى
بقى كل ده من قسوة السنين
انا نفسى اموت
احس ماعيش مكسور حزين
تايه فى دنيا من العذاب ومن الانين
او نفسى اعيش فى دنيا تانيه
ابعد بعيد عن دول بشر
بس لما بسأل حد ما بلاقيش جديد
الدنياواحده وال رافض دنيتى
يختار سما غير السما
ويروح يدور على اله ليه جديد
ارضى بنصيبك وابتسم
تلقى الحياه زينه وامل
بس اجتهد وادى جهدك للعمل
تلقى السنين دى كلها وقت عيد
...............
شاعر الحب
عبدالتواب الرفاعى

اشكرك ياعم عادل
يال رافع من معنوياتى

نص فيه فكرة

وفيه شعر

دام الابداع

اشكرك شاعرنا احمد رجب معيط
حقيقى رأيك يهمنى
اشكرك

نص جيد و قد تذكرت حديثا شريفا معناه أنه سوف يأتي زمان يحسد الأحياءُ أهلَ القبور .



تحياتي

اشكر الاسنالذ
عاطف الحناوى

اشكركم جميعا ولن اكون الا بكم

نص جميل أخي عبد التواب أحيك عليه

اشكرك
استاذ عصام سامى
وهذه شههاده اعتز بها

استاذ محمد عبدالواحد
الشاعر الكبير
الذى منه نتعلم دائما
اشكر حضورك المتميز دائما هنا بين
قصائدى المتواضعه