بيان عاجل

( بيان عاجل)
بيان عاجل لحامله أيا كان
لازم تقراه او تسمعه دا أهم بيان
احنا فى ازمه تقدرو يعنى تقولو ورطه...
وانا مش قصدى عال 100يوم وفشل الخطه

احنا قصادنا ازمه كبيره اسمها تكيف .
وعارف ان الشعب دا كله لازم يتكيف
زى وزير الكهربا كدا راجل متكيف .
ودا علشان ضميره سليم وقلبه نضيف
( ونحن نؤكد)
قبل ماحد ينضف شارعه ينضف قلبه
وربك لما نخالف شرعه بينزل غضبه
توبو هتلاقو الكهربا زادت ميت فولت
ادعو يمكن تدينا قرض ب20 وات
اسمع يا جناب المهم بلاش مقاطعه
مش كلمه تقف لى عليها وتقول ؟what
(ونحن بنرفض)
اى تدخل عالكهربا او حتى ولادها
او دكتور نسا وتوليد نفسه يولدها
او التحرش بيها عشان مش راضيه تحن
مانا لو مجنون مش دا بالذمه حاجه تجن
( ونحن كدا )
هفضل نقطع عنكو الكهربا لاء والميه
علشان داخلين فى مسابقه كبيره بيقولو عالميه
ادعو نكمل مشروع نهضه التوفير
وخدلك شمعه وهيص وياهم فى التحرير
وقبل ماحد يرمى البيان احب اقولك
انزل وانت ف ايديك التانيه معاك حنفيه
(خلص البيان والله ولى التوفيق)
محمد فايد

اخى محمد فايد
مرحبا بك و أهلا بقصيدتك
تنقل للعامية و تشترك بمسابقة أغسطس

متشكر جدا للأهتمام والرد واسف على تأخرى فى الرد وانشاء الله اكون متابع مع حضراتكم وبجد انا ليا كل الشرف بوجودى معاكم وشكرا لل الاداره
والاستاذ عادل عوض نائب المدير تحياتى