خلاص يا ولادى ابوكم مات للزجال محمد سرور

خلاص يا ولادى ابوكم مات

ما بين الماضى والحاضر
خيال حاضر
يرجعنى سنين وسنن
واشوف ننى العيون لاتنين
بيجروا على وف حضنى
يدق القلب كربابه
ويحضنى قوام ابنى
وبنتى تقولى يا بابا
بتوحشنى
بلاش تبعد تغيب عنى

ودلوقتى
ما بسمع غير صدا صوتى
ووحده ساكنه ف سكوتى
وبتمنى يا ناس موتى
مادام حدش سأل عنى

ورامى تكالى وحمولى
ع اللى عنيه ما بتنمشى
وايدى ماسكه محمولى
بخاف يا يرنوا ما سمعشى
شهور وشهور ما زارونى
ولا اتحكل بيهم رمشى

وادعى واقول يوفقهم
الله الكون ويرزقهم
ولا يحوجنى يوم ليهم
ولا فى الديقه يرميهم
ويسترها لحد ما موت

لكن صعبانه اه نقسى
على نفسى
وقلب ولادى اتحول
حجر صوان
قاعد وولوحدى
على كرسى
بقيت
هيكل يا ناس
انسان

يحن على جار طيب
ولحمنى فايتنى
ورامينى
ومين للجرح هيطيب
وجرح القلب
نور عينى

هزمنى العجز
وكسرنى
وبعد ولادى زلزلنى
وحارمنى
يدق القلب
خلاص نسيوا ان ليهم اب
ما داق الراحه علشانهم
وحقق كل احلامهم
وكبرهم
وعلمهم
عشان يبقوا فى يوم سنده
وعكازه
فى وقت
الكرب

خريف
العمر استأسد
على عمرى
وغابت شمس يومى
خلاص
لا نجم بشوفه
فى سمايا
ولا قمرى
ما شفتش
غير اساوه الناس

وقلب ولادى ما حنش
رمانى فى ضعقى ماهتمش
بقيت دلوقى بتهمش
وكنت الالفا والكراس

بقت دلقوتى ماضى
وفات
بقيت عايش
كما الاموات
مفيش ذكره
مفيش بكره
خلاص يا ولادى
ابوكم مات

حبيب قلبى الشاعرا لجميل المتميز جدا والمتألق دائما
الاستاذ محمد سرور

تحياتى وتقدير ى وشكرا على تلك القصيدة الانسانية الرائعة.
ودمت بكل خير ومحبة وسعادة ودام ابداعك الرائع .
وكل عام وانت والاسرة الكريمة فى كامل الصحة والعافية .
واحشنى جدا جدا .

زجلية جميلة يا أستاذ محمد

نعوذ بالله من عقوق الوالدين .

توجد فقط بعض أخطاء مطبعية قليلة ....و هذا لا يعيب نصك المتميز.. و إنما ننشد المزيد من الجمال يا صديقي الشاعر الجميل .

عيد سعيد

فوزي الشربيني كتب:

حبيب قلبى الشاعرا لجميل المتميز جدا والمتألق دائما
الاستاذ محمد سرور

تحياتى وتقدير ى وشكرا على تلك القصيدة الانسانية الرائعة.
ودمت بكل خير ومحبة وسعادة ودام ابداعك الرائع .
وكل عام وانت والاسرة الكريمة فى كامل الصحة والعافية .
واحشنى جدا جدا .

استاذى الكبير
ومعلمى فوزى الشربينى
تحياتى
وحشنى بجد انا النهارده فى اسكندريا
ياريت اشوفك فى الندوه
باليل فى النادى المصرى
وشكرا على مرورك الكري

عاطف عبدالعزيز الحناوي كتب:

زجلية جميلة يا أستاذ محمد

نعوذ بالله من عقوق الوالدين .

توجد فقط بعض أخطاء مطبعية قليلة ....و هذا لا يعيب نصك المتميز.. و إنما ننشد المزيد من الجمال يا صديقي الشاعر الجميل .

عيد سعيد

شكرا يا استاذ عاطف
تحياتى لمرورك
ورمضان كريم

ومين بعد ابويا وامى
ومين يقدر يشيل همى
دانتا عمرى ماعشت يوم ضيقه
امى دى اوفى صديقه

عبد التواب الرفاعى كتب:

ومين بعد ابويا وامى
ومين يقدر يشيل همى
دانتا عمرى ماعشت يوم ضيقه
امى دى اوفى صديقه

شكرا استاذ
عبد التواب لمرورك

mourad m. soliman كتب:

أستاذنا الجميل
والزجال العظيم
محمد سرور
تحية طيبة
وكل سنة وأنت طيب
نص جميل وجاى على الوجيعة
وبما أنك لم تصل لهذه المرحلة السنية
وأنك مازلت فى عز الشباب
قتحية خاصة لهذه المقدرة على الإحساس
بشعور الأباء فى هذه السن
ومع توالى الأجيال لو ظل الحال كما هو
أظن أن الآباء سيفعلون مثل أقرانهم الغربيين
بعد 16 سنة يصبح الإبن مسئول عن نفسه
وتنشق العائلة الشرقية...وتصبح الحياة أكثر
أنانية ...كل يعيش لنفسه فقط
وهذا نتاج ال30 عاما التى عشناها تحت ظل
النظام الملعون.................
تحية مرة أخرى لوضع يدك على هذا الموضوع
الحساس....وهذا معناه أنك شاعر حقيقى

أطيب التمنيات القلبية بالتوفيق ودوام الإبداع
ولازلنا فى إنتظار رؤياك بالأسكندرية

الدكتور والشاعر الكبير
استاذ مراد سلمان
شكرا لمرورك
الجميل
ووحشنى
كنت فى اسكندريا
يوم الخميس
وكلمت حضرتك كتير
كل سنه وانت طيب

محمد البهنساوي كتب:

الأخ الشاعر الزاجل / محمد سرور
زجلية المواجع عن العمر الضائع ولكنها سنة الحياة ...ألمح في بعض المقاطع قمة التألق والأخرى تحتاج إلى المراجعة الدقيقة في الصياغة الفنية وهذا لا يقلل من قيمة النص .
كل سنة وانت طيب والأسرة جميعا بخير

استاذنا الكبير
محمدالبهنساوى رئيس رابطه الزجالين وكتاب الاغانى
كل عيد وانت بخير
شكرا لمروك استاذ محمد
وعيد سعيد والاسره الكريمه

عادل عوض سند كتب:

[center] اخى الحبيب الشاعر الجميل

محمد سرور

كان لى شرف السماع الى تلك الرائعه بالامس

فى النادى المصرى السكندرى . وقد ضجت الصاله بالتصفيق

اثناء القائك لتلك القصيده وتأثرنا بها جميعا .

الله ينور عليك ويسلم قلمك ايها الزجال الرائع .

مودتى وتحيتى ...

/center]

عمنا الكبير
واستاذى الغالى
عادل عوض
شكرا لحفاوه الاستقبال
انت وجميع الاستاذه الافاضل
وكل عيد وانت بخير

الله عليك

ما اعذبها من غربة تخرج لنا درر كهذى

تقديرى

بسمه شعبان

والله انا بكيت
ودمعى ملا عيونى
فى صفحتك وقريت
غلب وأسي هدونى
بس انا عارف ايه سبب القساوه دى الزرعه انت اللى زرعتها با القسوه سمدتها والغلب ورويتها واكيد فيها لقمه حرام ماتشتكيش منهم حاسب نفسك واللى زرع يحصد

بسمه شعبان كتب:

الله عليك

ما اعذبها من غربة تخرج لنا درر كهذى

تقديرى

بسمه شعبان

شكرا استاذه بسمه لمرورك
وعيد سعيد

الجميل دائماً محمد سرور

جميل كالعادة ومتجدد دائماً

م/عطية شواش كتب:

الله عليك يابو سرور جميله وحياة النبي زيك

تثبت بواسطتي....... تحياتي

شكرا شاعرنا الكبير عطيه شواش
على تثبيت القصيده

حسن الجمال. كتب:

رائعة استاذ محمد
دمت بخير حال
وكل عام وانت بخير

شكرا استاذ حسن
على مرورك

حمدى شبانة كتب:

لكن صعبانه اه نفسى على نفسى
وقلب ولادى اتحول حجر صوان
قاعـد و ولوحدى ... على كرسى
بـقـيـت هـيـكـل .. يا ناس انســان

الشاعر الجميل
الأستاذ
محمد سرور

تحية لكلماتك الجميلة يا شاعر
أطال الله عُمرَك يا أستاذ
كل عام وأنت بخير
( حـمـدى )

مرورك الجميل
اثلج صدرى
تحياتى لشخصك الكريم
استاذ /حمدى شبانة

طارق منيب كتب:

الجميل دائماً محمد سرور

جميل كالعادة ومتجدد دائماً

شكرااستاذ طارق
دائما تنور صفحتى