كارت احمر للشاعر سيد البالوي

خلاص هديله كارت احمر
وابدل صمتى بصراخي
واعيش حرة ولو وحدي
والملم همي وجراحي

وياما حجات وبتعدى
واقول بكرة هيتعدل
ويوم ورا يوم بيتبدل
وهو ف الاسى ماشي
ولو مرة اغيب عنه
الاقى الغدر ف فراشي

خلاص هديله كارت احمر
وابطل دمعى وآهاتي
وهبدأ صفحه من الاول
واسطر عمري وحياتي
وهقفل صفحه بتفتح
الآم قلبي وحكاياتي

أنا وردة وفوق خدي
بتتمنى الوف نظرة
ولو نظرة تروح منى
تلاقى عيون لها نظره

وأنا العاشقه سواد ليلك
وياما كتير عليك صبرة
ولا هرضى بتذليلك
ولا هقبل اكون نزوة

ولا زيك يكون ضي
ولا بردى يعديلك
ولا هفضل ف تدليلك
وتطعن صبرى وسماحى
وتغدر حبى ووفائى
وتكسر قلبي وجناحى

خلاص هديله كارت احمر
وابدل صمتى بصراخي
واعيش حرة ولو وحدي
وا لملم همي وجراحي

بقلم سيد البالوي

غنائية جميلة
اخى الاستاذ سيد
بورك قلمكم
ولكم خالص تقديرى

أخي الراقي سيد البالوي
شكرا لهذه الرائعة و التي أعجبتني كثيرا
و مرحبا بك في بيتك و منتداك
تقبل خالص ودي
أخوك

نص جميل وبه موضوع يشد القاريء .

اخى الشاعر

سيد البالوى

قصيدتك راقتنى ووموضوعها ايضا .

طريقتك مميزه فى طرح الموضوع .

مودتى وتحيتى ...

احسنت ياشاعر ...................

تثبت بواسطتي ............تحياتي

جميل أستاذ سيد

رائعة أستاذ سيد

بارك الله في قلمك الراقي .

» كارت احمر
» "تخاريف" للشاعر سيد البالوي
» ألف سجدة"للشاعر سيد البالوي"
» قصيدة "طار الحمام" للشاعر سيد البالوي
» مليون قصيدة "للشاعر سيد البالوي