مزاد علني " عطية شواش"

الحق من غير دراع
يبقى القفا اولى
واليد من غير صُباع
يبقى انت من كَوَلاَ
لما نسيب البتاع !
تكسب الجوله
فتبقى نفس البتاع
تحكم الدوله
ويبقى طوب العيال

هواللى ليه قوه
ويبقى دلع البنات
هو اللى ليه حَوْلا
يا فين سيوف الرجال
يا فين رماح الايد
يا فين حصان العرب
يا فين جـِمَال البيد
ملعون أبوك ياوطن
العبد قبل السِيـِد
لما البنات تنتفـِض
لما الرجال بتحيض
لما العيال تندفن
ف الأرض فين ماتريد
ترفـْع كفوف الألم
يطـْبع قلم ع الخد
ونخاسين الوطن
بيسلموه بالإِيد

الاخت الشاعره دعاء
تحيه طيبه لحضرتك وكل عام وانتم بخير
قصيدة جميله تحمل فى طياتها حقائق واضحه
كلام حضرتك صحيح احنا باين علينا دخلين مرحله ثانيه الرجال معدلهمش دخل بالمسئوليه وكله معرض قفاه للضرب والاهانه علشان يتمسك بالسلطه *
اختى الفاضله لازم الثوره تقوم مره اخرى للتطهير

اللى ملوهش كبير لازم يشترى
الشعب فيه الفقير وفيه الفنجرى
عاوزين بقا التغير
دا الاخ مفترى
مع وافر تحياتى وتقديرى
دمت بخير

الابنه الشاعره

دعاء العطار

اشكرك على نشر هذا النص

للاستاذ عطيه شواش .

تحيتى وتقديرى ...

نصا جميلا لشاعر جميل
اشكركم استاذة دعاء
بارك الله فيكم
كل تقديرى لكم

ربنا يخليكي ابنتي العزيزه دعاء ..... رمضان كريم

الرائعة دعاء
قصيدة جميلة أيتها البهية
أحسنت
تقبلي خالص ودي
أخوك

الأستاذه / دعاء العطار
أشكرك على أختيارك الموفق
والشكر موصول للأخ الشاعر المبدع / عطية شواش (انت فين يا عم عطية )

الإبنة الفاضلة والشاعرة القديرة دعاء

كل عام وانتِ بخير

نص رائع بحق ، بس فين رد عمنا عطيه اللى واحشنى

أعتقد انه معتكف الأيام دى ، وعشان كده اكتفى بالرد

الموجز ده .

كل سنه وأنتم جميعا بخير وسعاده .

الشاعرة الكبيرة
دعاء العطار
تحية طيبة

شكرا لك نشرك
لهذه الكلمات القوية
والمعبرة لأستاذنا العظيم
عطية شواش
الذى إفتقدنا كلماته
وإفتقدنا تعليقاته
يارب يسهل له أموره
كى يعود لنا ويتحفنا
من موهبته وعطاءه

أطيب الأمانى لك وله
وكل عام والجميع بخير
وعيد سعيد لكم ولأسركم الكريمة

الشاعرة الرائعة/دعاء العطار
تسلم ايدك علي الاختيار..قصيدة رائعه لعمنا الكبير .م/عطية شواش..وانا هنا مش هاعاكس فيه كفايه معاكسه الفيس هههههههههه

هذا هو عطية شواش

شاعر شاعر شاعر

لله ألقك ايها المبدع

تقديرى

بسمه شعبان

نشكرك على منقولك الجميل

كلمات من العيار الثقيل

لشاعر من العيار الثقيل

دام الابداع

ما قولت انا الكلام ده من زمان يقول عطيه شواش يبقى كلنا نسمع ونقولوا من جنبه
بيقول الكلام العجب كدا من غير تعب بس الدنيا ارزاق ربنا يرزقه يكتبلنا اغنيه تغنيها ام كلثوم وطبعا اللى اختارت القصيده دى سميعه وذواقه

قول للبنات وللولاد
امته هيكون المزاد
فى اى يوم
وياترى امته الميعاد
لجل نخدم فيه بلدنا
زينة البلاد
لجل نرجع كلنا
لحضنها ويكفى عناد
علشان بصدق نحبها
ونعشق ترابها وارضها
والصدق لينا يبقى زاد
مش ننافق او نلوِّن
زى ما كان البِعاد
معدش خوف
نفسنا نبدأ نقول
الامن عاد
المزاد علشان نعمر
مين يسابق مين يشمر
فى عهد مرسى مننا
ابننا
مش عهد فرعون ولاعهد عاد
هو ده بجد المزاد
ان المحبه للتراب تبقى زاد
ان الامل يفضل تمللى ف ازدياد