الحبيبه

الحبيبه

ياللى نسيم الورد ناداكى
عطره هفهف على شباكى
طلعه وطله علينا يابدر
ياللى حياتك فيها حياتى
***
ياللى جمالك خفة دمك
ياللى شايله همى وهمك
بنسى نفسى ووقتى معاكى
م الحنيه وطيبه قلبك
***
شوفت الطيبه مليه عيناكى
دعيتلك ربى الله يحميكى
كنت جميله كليلة القدر
رفعت ايديا لكى ادعيكى
***
ياللى جمالك زاد بزياده
خلى الحب فى قلبى عباده
اذكر ربى واشكر فضله
واسجد واركع ع السجاده
***
قولى ياحلوه وامرى امر
دانا واهب ليكى كل العمر
اتحدى كل الناس علشانك
لوحتى رامونى وسط الجمر
***
لما كتبت فيك قصيدة
قالت الناس دا بنت بسيطه
ليه عامل هيصه وظيطه
مش عارفين انك غاليه
قلت اكيد الناس دى عبيطه
***
ح اكشف سرك بعد الحظر
ياللى حضارتك سابقه العصر
ياام خوفوا ومينا وخفرع
ياام الدنيا ياحلوه يامصر
***
مصر ياام الدنيا بجد
ياللى طباعك حب وود
لما قامت فيك الثوره
شوفت شهيدك ضحا بجد
وشوفت حفيدك حامى الجد
***
وقفوا ولادك يحرصوا دارك
بنات وشباب حفظك صانك
م اللى خانوكى وباعوا ولادك
ملعون ام الخونه اسيادك
واقف اقولها بااعلى الصوت
بعد ماقام بالثوره شبابك
*
يااغلى حضاره سابقه العصر
قولوا معايا تحيا مصر

تحيا مصر
انشودة وطنية رائعه
اخى الاستاذ
مجدى سرحان
لكم التحية والتقدير
وكل عام وانتم بخير

الاخ الفاضل الشاعر الجميل سعد الشرقاوى
تحيه طيبه لحضرتك
وكل عام وحضرتك بخير وسعاده اعاده الله عليكم بالخير واليمن والبركات
اشكرك على مرورك الطيب الجميل الذى اذادنى شرف ومحبه
ولحصرتك وافر التحيه
دمت بخير

اخى الكريم الاستاذ المبدع عادل عوض
تحيه طيبه لحضرتك وكل عام وحضرتك بخير وسعاده
اسأل الله ان يقرب ايام الغربه لاننا مشتاقين اى رؤياكم الغاليه
والتشرف بحضارتكم
مع وافر الاحترام والتحيه
دمت مبدع