هزته ايه من ايات رب العباد

كل وقت وليه ادان
والنهارده غير زمان
الثورة قامت ياسيدنا
والبركه ف الميدان
ال جمع الف شكل الف منظر
كتير قوى الوان
النهارده غير زمان
ليا صاحبى عنده غيط
قصدى يعنى عنده ارض
على وشه ابتسامه
ماهى ارضه هى شرفه اه وعرض
قالى ارضى سمعتها
وكانها بترقص وتضحك
قلتله معقول يا صاحبى
حبة الطين الكئيبه ال عاشت كام سنه
بتضحك
قالى يازفت اتخلصت من الذل والمهانه والامتهان
نطقت باعلى حس ليها وقالتله
النهارده غير زمان
النهارده رئيسنا احساسى انه
انسان
حاسس بهم الفقير
وشايل هم الجعان
بيقول ليكوا عندى الف حق
ومرتبى سايبه انا للغلبان
شكله جميل ومنظره سكر
لما لاقيته بيصلى جوه الجامع
صلاة الفجر
ولما شفته ف الحرم
عمال يعيط
هزته ايه من ايات رب العباد
صرخ
بكى
اه المسئوليه الحمل اصعب مما كنت اتصوره
بس الله عليه وسط صفوف الصلاه واقف بجنبه
عم سعيد
عم سعيد دقنه طويله ومنظره لايسر عدو ولا حبيب
بعد الصلاه مد اديه ليه رئيسنا وقبله
منظر جميل لاكنت عمرى اتصوره
ان اشوف ولى امر البلاد
واقف فى جامع
ولللامام مصغى وسامع
والامام عمال يقوله
اتقى الله فينا
اهتم بينا
كون عونا وقت الشدايد
كون نور لشعبك ف الضلام
دايما ايد
كون ضحكه للغلبان
تشيل همه
كون بسمه للزعلان
ما تخلى يوم حاجه تهمه
كن ابن كل النالس
كن قلب اه باحساس
كن رئيس اصل النهارده سيدى الفاضل
النهارده غير زمان
بقلم شاعر الحب عبدالتواب الرفاعى

مررت من هنا و قرأت ما كتبته يا استاذ عبد التواب

أحييك و سوف أعود قريبا للقراءة و التعليق بإذن الله

اشككر مرورك استاذ عاطف واحترم نقدك ايا كان

ما تيلا بينا
نشبك ادينا ونحط مصر على الخريطة
وما نسمعش لحد
دول ولاد عبيطه
عالم كدابين بلطجيه حراميه
عاملين دوشه كده وزيطه
ال بيألف اشاعات
وال صايع ف الحارات
وال شارب لما عمى
وال ماشى مع ايمى
ويجى خمس ست بنات
ناس عديمة المسئوليه
بيولعوها نار محميه
بس ممكن نسامحهم
لو حطوا اديهم ف اديا
لو فكروا اننا كلنا عايشين
فى حته واحده والام واحده
امنا كلنا مصر

أخى عبد التواب
جميلة هى مشاعرك
و راق هو نبضك
ملاحظتى حول الموسيقى الشعرية يا صديقي
و عندما تمتلكها بصورة جيدة ستكون شاعرا رائعا
دمت بخير

أخي عبد التواب

أسلوبك في الكتابة جيد و لكن عليك بعلم العروض حتي تستقيم أوزانك الموسيقية

لك كل الحب و ننتظر منك المزيد و المزيد من الجمال و الشعر

اشكر كل من الاستاذ عاطف الجندى والاستاذ عاطف عبدالعزيز على نقدهم الجميل واريد مساعدتهم لى كى تكتمل شاعريتى

كل سنه وانت طيب
وانت من قلبى قريب
كل سنه وانت جنبى
هنا ساكن جوه دربى
تبقى ليا كل حاجه
تبقى حياتى وعمرى

» السبع ايات المنجيات ......
» الشهاب الثاقب اية من ايات الخالق عز وجل / للشاعر العروبي لطف
» عاجل ايات قرانية على جسد رضيع / للشاعر العروبي لطفي الياسي