إيد لوحدها ماتصقفش

معا فى حب مصر

إيد لوحدها ماتسقفش
بكره بتاعنا مابيرحمش
إيدى ف إيدك نرسم فكره
ننسى الفرقه وحزب الغش
إزرع خضر إبنى وعمر
وارسم بلدك أجمل عش
إيدى لوحدها ماتسقفش
----

ليه نستنى حضن المنه من أغراب فرشولنا النعش
المتغطى بيهم عارى والمتكتف ليهم جحش
عمر ماكانت مصر ضعيفه عمر ماكنا ف يوم نتهش
قوم وانسج لك أجمل حلم
يتحطملك أصعب ظلم
قوم وتعال نلم الشمل
قبل ماتيجى الغربه بوش
إيد لوحدها ماتسقفش
بكره بتاعنا مابيرحمش
إيدى ف إيدك نرسم فكره
ننسى الفرقه وحزب الغش
إزرع خضر إبنى وعمر
وارسم بلدك أجمل عش
إيد لوحدها ماتسقفش

كلمات/عبد الناصر رجب

فعلا ايد لوحدها ما تصقفش

دام الابداع

جميله اخى عبد الناصر

وانت استخدمت البحر المتدارك بمهاره .

واعتنيت بموسيقى الشعر .

مودتى وتحيتى ...

أخى الحبيب أحمد رجب معيط لكم أسعدنى تواضعك وتعليقك العطر