إلى كل عتريس

لكل قاتل

جواز عتريس من

فؤادة باطل

واللي جوه فى صدري

مش خوف

ولا كسوف

اللي جوه نار

ودم ألوف

أنزل يا عتريس

من فوق الفرس

مش هيحميك اليوم

حرس

مات الخرس

والخلق قامت تطلب حقها

ودقوا الجرس

وسمعنا صوت الآدان

حي على الفلاح

الفجر لاح

وشفنا بعد الليل

صباح

أنتهي فيه زمن الهوان

أرمي يا عتريس

البندقية

خلعنا خوفنا م

الرصاص

وأمنا فى الموت

بالخلاص

وحياتنا مش هي

القضية

القضية عدالة حرية

خلاص

مبقناش نخاف من

نظرة عينيك

واكتشفنا إن أنت

أجبن مننا

لكننا وبجبننا رسمناك

شبح وآمنا بيك

وخفنا منك بدل ما تخاف

مننا

لكل فاشل

جواز عتريس من

فؤادة باطل

آن الآوان تجني وتحصد

زرعتك

زرعت جوه عيونا خوف

وجوه قلوبنا جبن

وجوه صدرونا غل

ورويتها دم والفكرة كانت

فكرتك

آن الآوان تجني يا فاشل

زرعتك

ما بتضحكش ليه

يا ما ضحكت

وشفنا السنة الدهب

ما بتصرخش ليه

يا ما صرخت

وكانت بتتهز الرتب

راحت فين الاسوة والجبروت

والكرباج والبندقية

وفرسك ليه وقعك فى سكوت

والأمن فين والبلطجية

أنزل يا عتريس

أركع هنا

وأعترف إن أنت كنت مجرد

مسرحية

أتفرجنا عليها كلنا

وكان المقابل

تقتل كل يوم واحد مننا

تسجن كل يوم واحد مننا

وكنت فاكر إنك

مقاتل

أنزل يا سافل

المسرحية أنتهت وفؤادة

لازم تقتلك

لإن الجواز كان م البداية

باطل

من فؤادة لكل عتريس

ليك يوم يا

قاتل