وسام شعر محمد البهنساوي

( وســــــــام )

نفسي أقــولك كلمــه واعاتبك لاجــــل أنــام
بالتليفــــون أو خـــط موبيــــل أي نظــــــام
نفسي أقــــولك طبع الحب خصـام ووئــــام
مش بالقسوة وهجرك ليـــــَّـا مــن أعـــوام
****
كنت بشوفك قدام عـيني انتي البدر وبدر تمام
في الشبـــاك باستني ملامحـــك يــوم وأيــام
وامَّـا تغيبـي عليَّا وتقسي أقــول دا خصــــام
وامسك قلــــبي واعــاتب نفسي لحــد منــام
****
صفحة عمري معاكي يا قاسية عتاب ومـلام
سطـــر محبــه وسطر بينطــــق بالأوهــــــام
وانا مستني في آخرالصفحة باعيش في غرام
يمكـــن مــرة تحنــــي عليــَّا ... وفات أعـوام
****
يا ما كتبت الشعر أرضيكى ويا ما بعت قـوام
ألف قصيـــدة وغنـــوه جميلــــه وألـف سلام
كنت بشوفك ساكنـــه في ذاتــــــي وكل منــام
بين شريـــــان القلب في دمي وعنصر هــــام
****
كنتي حروف الشعر بتجري بحـــــور إلهــام
كنتي ضياء الفجر الصافي مع الأنســـــــــام
بيفكرني بعمــري الماضي... يا ريت لو دام
بيفكرني بحبك .. انتي .. يا أحلى (وســــام)

ألقيت هذه القصيدة لأول مرة اليوم 7/7/ 2012 بملتقى عاطف الجندي

مش معقول القسوة دى على عمنا البهنساوى
اللى مشاعره رقيقه حروفه بريئة .. وقلبه بيهتف كل دقيقه
باسم حبيبته اللى جابت له الضيقه ..
ايه الجمال دا والحلاوة دى يابهنساوى ياملك الزجل
وحشتنا ق وى واسعدتنى بزجلك الجميل

أخى الشاعر الكبير محمد البهنساوي
و لنا الشرف أن تكون أول مرة فى المنتدى
هذه القصيدة العاطفية الجميلة التى تتسم بالنغم الزجلى العذب
و الصور الجميلة و التى هى أقرب للأغنية
اسمح لى بإعادة تنسيقها
و تثبيتها حبا و تقديرا نيابة عن إخوتي مشرفي العامية
دمت بكل خير

اخ

أخي واستاذي الحبيب / محمود عبد الحليم
منكم تعلمت ولكم الفضل .... وحشني جدا جدا
ولكم خالص احترامي
أخوكم / محمد البهنساوي

أخي الرائع دائما الأستاذ / عاطف الجندي
أولا أشكرك على التنسيق والتثبيت وأحييك على تواضعك الجم
ثانيا لقد كانت ليلة رائعة وأمسية جميله ليس لها مثيل على مستوى القاهرة وهي دائما كذلك لقد استمتعت بشعراء الفصحى وحسن إدارة الندوة
أخوكم محمد البهنساوي

سمعتها واستمتعت بها فى الندوة الشعرية الجميلة

وبكل ما قيل فى تلك الليلة الرائعة

استاذي العزيز

دام الابداع

اخى الحبيب الشاعر الكبير

محمد محمود البهنساوى ..

الحب لديك له مذاق خاص

ومفردات تشد اسماع المتلقى بشغف من اول حرف حتى النهايه .

وانا كنت استمع اليك والابتسامه لاتفارق شفتى حيث عشت معك

النص بالقائك الرائع ومعانيه الجميله .

اسمح لى اضافة اسم { وسام } الى قائمة من عشقت .

فانت قلب كبير يسير على قدمين .

مودتى ياغالى ..

ا

لحبيب الأستاذ / أحمد رجب
اشكرك من كل قلبي لمرورك على قصيدتي واستماعك لها في الندوة
وبجد كان نفسي اتعرف عليك ولكن لم يسعدني الحظ
دامت محبتنا
محمد البهنساوي

[b]

اخي الحبيب / عادل بك عوض سند
كم أنا سعيد بهذه الكلمات الراقية والتي اشعر أنها من القلب
ولكن دعني أقول لك أنك أهديتني درة من در الشعراء( جرعة وطن )
ديوان جميل ورائع واستمتع به الان .... كل القصائد عالية الجودة بميزان الذهب ولا أجاملك في هذا ومعي وســــــــــــــــــــــــام
أخوكم / محمد البهنساوي

هو الطريق من غير وسام يبقى طريق
واللا الغريق من غير مياه يبقى غريق
يا عـم (عادل) دلني ما انت الرفيــــــق
والقلب في أمــور الغرام قايد حـــــريق
بيطفي ناره بالحلال شهـــــد ورحيـــق

» حلم شعر محمد البهنساوي
» في بحر حبك شعر محمد البهنساوي
» في الأمثال شعر محمد البهنساوي
» أحب الصدق شعر محمد البهنساوي
» مصر بلدي شعر محمد البهنساوي