عــلم أحمر علم أخضر

علم أحمرعلم أخضر
وسوريا تبكى ع المنظر
وناس تايهه ولا تفكر
يقولو هناك كتير أسرار
ويحيا الرئيس بشار
وناس تانيه تقول جزار
وجند إسمهم أحرار
وعلم أحمر بلون الدم
وعين تبكى كتير م الهم
وهرم عالى كله رفات
وصوت حانى كله آهات
وطن عربى يدوب كلمات
وجثث ع الأرض مرميه
دى عجوزه ودى صبيه
ودى طفله منديه
وشيخ مقتول بسببيه
لانه قال يموت بشار
وشاب مات م الأهوال
ودمعة طفل مسمومه
وصرخه بحمى محمومه
وعلم تانى بلون أخضر
يقول حريه مش أكتر
يروح لاحمر مع لاخضر
تضيع سوريا ولا نقدر
نقول يازمان بلاش تغدر
يرد زمانا مش هاقدر
لازم الكل بيفكر
وأولهم الرئيس بشار
كفايه حكم يا دكتور
تنحى وهات معاك النور
لكن تفضل ديكتاتور
تعيش انته وكله يغور
خسارة سوريا يا دكتور
رسالة لكل رئيس دوله
مهما تكون فى مداوله
مادام الشعب ثار عليك
ولغة القتل دى فى إيديك
سيب السلطه باب أولى
بخاطرك من أول جوله
وقول يارب يا ستار
يجف نهر الأخطار
وسوريا تعود بكل نهار