مسكت الصحن وقلت اتخيل

زائر

مسكت الصحن وقلت اتخيل
مليان لحمه وفته
قام اتخيل حد معايه وقال هات حته
مين التانى
كنت انا برضه
اصل اتخيلت ان انا سته
واحد قاعد ياكل
وواحد دلوقت بيكتب
اما الثالث ويا الرابع
بيشوفو الفيلم فى التليفزيون
اما الخامس واد مجنون
بيحاول يمشى فوق الحيط
اصله عبيط
كل حياته ماشيه بتخبيط
جرى وتنطيط
والواد السادس لساه عيل
مسكت الصحن وقلت اتخيل
ومرات الاول جات تناديله
مسكت ديله
انته بتعمل ايه يا منيل
سيبى يا وليه
انا بتخيل
هتنك قاعد وانا شغاله
هو انا شغاله
عندك وعيالك
ولا انته شارينى يا اخويه بمالك
يا سلام يا حلاوتك يا جمالك
ولا عشان على طول سكتالك
لو دلوقتى مقمتش حالا
هبقه ف حالى وانته ف حالك
تعمل اكلك تعمل شربك
مش فضيالك
لاانته ولا عيالك
ولاهتنول ولامره حلالك
والا تقوم دلوقت وحالا
ترفع وتشيل
مسكت الصحن وقلت اتخيل
ياسلام يا ولاد ولا اللحمه
اصل اللحمه
كات ع الفحمه
بتخيلها زى الوحمه
اصلها نادره
ندره ودن وملتحمه
لما بشم ريحتها
بطنى بتحمه
المشويه هى الاحلى
عشان بالنار بتدوب الشحمه
نفسى اشوفها حقيقى اللحمه
لما يكون فى قلوب جزارها الرحمه
لو ترخص بس وتكون بجنيه
راح يحصل ايه
كنت تلاقى عليها الزحمه
كنت اكلها
وانام واقيل
مسكت الصحن وقلت اتخيل
بس معدتش تانى اتخيل

أخى عطية
تحياتى لك أيها الرائع
لك و لتخيلاتك الجميلة
كل خير

ههههههههههههه

نص جميل فعلا

ياريت تتخيل عل طول استاذنا

دام الابداع

نص اجتماعى ساخر

وكويس انك تخيلت قبل دخول رمضان

لان سعر اللحمه سوف يرتفع . فجاء تخيلك

قبل رفع الاسعار .

ههههههههههههههههههههه

مودتى اخى عطيه ...

» كل ما اتخيل دموعك
» قالت وقلت
» ترجمة ( قالت وقلت ) للفارسية
» قالت وقلت- محمد خضر الشريف
» قالت وقلت إبراهيم خليل إبراهيم / صفاء محمد العناني