الكلب رافع قضيه زعلان قوى م البشر

زائر

الكلب رافع قضيه
زعلان قوى م البشر
كان نفسه بحضرها
لكن ديلُه انحشر
بيتكلم على لسان الكلاب
بيقولها بحسن نيه
ازاى تشبهوا بشَّار الاسد بيِّه
المجرم النصاب
أنا كلب بصحيح لكن وفى
قلبى صفى
معضش ايد اللى
يأوينى ويطعمنى
واحفظ جميله
واكون له
من اوفى الخِل والاصحاب
ازاى تقولوا كلب
وهو عديم القلب
بيقَّتل الاشراف
بيسرق ونازل نهب
عديم الايمان والدين
التعلب الدحلاب
الكلب يفضل جعان
ميكُلش حق البشر
ومهما بنعامله
ولا عمره يعرف شر
ولامره غرَّق صاحبه
ولا سابه يوم ع البر
ولامره عض اخواته
ولا اذى يوم ولا ضر
ولاكان بيربط صاحبه
بحبال وينزل جر
ولايوم استعرض عليه
ولا حتى يوم اتغر
ولا كان ف يوم كذاب
والله انا كلب واضح
مانيش لئيم ولا نيرس
عايش ف ملك الله
ولا ليَّه بيت ولا ورث
مش زى بشَّّار الغبى
عايزها تبقى وِرث
ماسك فيها بسنانه
ماسك بكل الحِرص
بيقطع اخواته
من بين سنون التِّرس
ويقطع الالسنه
حتى السنان والضِّرس
ملعون فى كل كتاب

_________________
عطيه خضرى عطيه
قلين / كفر الشيخ

جميلة يا أستاذ عطية

حكمة راقية و أسلوب جميل

عجبني تصويرك الشعري البسيط و الجميل
.....
الكلب يفضل جعان
ميكُلش حق البشر
ومهما بنعامله
ولا عمره يعرف شر
ولامره غرَّق صاحبه
ولا سابه يوم ع البر
......

بس عندي سؤال ...ما معني كلمة (نيرس)

مانيش لئيم ولا نيرس

تحياتي

زائر

شكرا جزيلا يا اخى
النيرس لفظه تقال فى اللغه الدارجه على الخبيث فى قوله وفعله والمتحين للفرص
ولم اقصد بها ال nurse بمعنى الممرضه
فهى احدى مفردات لغه البيعات
مع اعتذارى للغة العربية عمدة الشعر واوفى مُدونة شُعت هدايتها من كل محراب
حروفهم دخلت فى ظل رايتهم وحرفنا مثلنا قد مات بالباب

» رافع علم التحرير
» مش قضيه
» زعلان منك يا مصر
» زعلان منى ؟!!!!!!!!!!!
» لمّى الشراع....