كل واحد معتقد انه الفقيه

عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه
لو فى مقام المصطفى
كان يعمل ايه
مقراش لسيرة المصطفى
وشاف التواضع والمحبه والادب
حتى ان ربنا اثنى عليه
يا صاحب العلم اللى زايل
الشيطان ناصب حبايل
والوضع مايل
عايش فى عز الفشخره
والنقوَره
عاشق تمللى المنظره
مبسوط بقولهم انته هايل
لامانة العلم انته شايل
يا توصله وتعلِّمه
يا اما ف نار جهنم راح تنكوى بيه

عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه
مهما كان علمك
مازلت جاهل
لو بيه هتتكبر
هتكون وقود للجحيم
وانته اللى تستاهل
العلم فرض تعلمه
مش تهمله وتخفيه
عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه
واللى عنده الدهب والمال
مالك لمين تدِّيه
والفقرا اولى بيه
دا انته تاركها
ولايوم تشاركها
ولاتقدر تعاركها
المولى مالكها
بايده مسالكها
لما يحين وقتك
راح تعمل بمالك ايه
عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه
يا بانى فوق الارض
وناسى تأدى الفرض
وعايش حياتك تنافق
عايشها طول او عرض
فين اللى تحت الارض
واللى نسيت تبنيه
مين عارف نهايته
ومين لعمره ضَمن
معدش فيه مُؤتمن
ولكل واحد تمن
حتى الفقير نفسه
ولا نام فى يوم ولا أَمَّن
قسما برب الكون
احنا فى اخر زمن
الشر جوه النفوس
جوه الضماير كَمِّن
ولاعاد امان فى بلادنا
ولا عاد فى سوريا ويمن
الامن فين نلا قيه
عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه
نرجع لرحمة ربنا
نعمل بتوبه كُلنا
مش ربنا
ف مجمل اياته قال لنا
مهما تكون السيئات
متبدله بحسنات
لو اتقينا ربنا
لو الايمان يرجع لنا
ديننا مليان بالكنوز
عايزين مسارعه
عشان نتوب
قبل ما ندخُل قبرنا
نسارع بتوبه
قبل نهايه عُمرنا
راح نعمل ايه
فى اى وقت
ربنا راجعين اليه
عصر الفتن بقه امر واقع احنا فيه
كل واحد معتقد انه الفقيه
قرا كام كتاب خلاص بقه
اصبح نبى مُرسل اليه