أوجاع ماريونيت

نفس الوجع
شاقق ضلوع الشمس
في عز اللقا
حالف يهد اللي اتبنا
حالف يخون الحب
لو لحظة بقا
راسم تراتيل البكا
على صدري
صارخ بقلبه اللي انقسم
نصين بينعو بعضهم
بيصبرو الدم اللي نازف
من مبينهم
عالفراق
...
فاسمحيلي
اطلب نزول الدمع
م السموات
واعذريني
بعد سماع صوت المطر
بعد اما يتبل اللي ساكن
جوا مني
بعد اما تملى المية
شرخ القلب
بعد اماا بسرق
عروستي الماريونيت
واشد الخيط
فتتبسم
ولكن شيء مهوش
باين
بان الكسر من جوا
....

الحب
...
مراثون عرايس ماريونيت
وطعم الجرح
قاتل ف عيونها الضي
فمتشوفشي
....
بتهمس كل يوم
بمعني الانتحار
وبتشعلق نفسها
على حديد البلكونات
وبتضفر
الشمس مع شعرها
وتشنق نفسها بيهم
ولكن ..
بتفضل بردو تتوجع
لبعد الموت

...
الموت
....
اتوضي من دمي
وصلى ركعتين
على قلبي اللي مات
راسم تعاويذاللقا ف
ضهرالفراق
وبقيت انا
ملعون ف عالم الاشتياق
ملعون مبين المعشوقين
مقتول بغدر الحب كاره
للفراق
راسم حواديت اللقا
داخل حدود المحتمل
من غير امل من غير
ما حتى نقول طريقنا
مكتمل ف اللا مكان
للاكتمال