جرى ايه يا مستر بجاتو

جرى ايه
يا مستر بجاتو
بتأخر النتيجة ليه
أنته فِكرَك يعنى
أن المصرى علنياتُه
مش قلت يوم الخميس
ليه تقول الحد
عنده ماده
وعايزه تترفع درجاتُه
ايه المُخطط
قُلِّنا وبسرعه هاتُه
ليه عَاوز مصرنا تولع
والمصرى تكتر تلميحاتُه
حرام عليك
عُمرُه وحياتُه
عَاوز فتن جِوَه البيوت
مَنتش عاوزها تفوت
بين الولاد
وحتى بين الراجل ومراته
عاوز فتن جوه الشوارع
والناس تحارب بعضها
ويصبحوا على كده ويباتُو
حرام عليكوا يا خلق هووه
أِعلن بقه
دا الناس فى كل حِته
ولَّعوا وشاطُو
اعلن بقه
لجل الهرم
ميقوم مره تانيه من سُباثُه
لجل ما يبدأ ثباتُه
عايزين نحس بالثقه
فى كل من يتولى أمرنا
وف تصريفاتُه
خلتونا بنشك فى أى حد
حتى فى القضاء
وف قراراتُه
حرام عليكو يا خلق هووه
عايزين نعيش بقه
والشعب تِخلص أِعتصاماتُه
ويعيش حياتُه

اللى حصل فى التحرير بالامس واول امس

جعلهم يفكرون الف مره قبل ان يعلنوا النتيجه .

والخوف كل الخوف ان تاتى الرياح بما لاتشتهى السفن .

ربنا يستر ...

ربنا يسترها على البلد

وعلى الشعب المصري

من كل الاوغاد

اللهم سلم يارب

و سلمت آيها الشاعر الثائر الغيور .