من اميره عطيه لاختى الازهريه

من اميره عطيه
لاختى الازهريه
كلمتين بحط بيهم النقاط فوق الحروف
انتهى عصر الشرور
وغول الفساد قرب يغور
وشمس مصرنا طالعه بتبدأ فى الظهور
وابتدينا مرحله فيها نرمم الكسور
ايدكم فى ايدى نرتفع زى النسور
نشوف النور
معهد فتياتنا راح نعلا بيه ونعدى السور
كلنا بقه لنا دور
معدش فينا غفلان ولا مضحوك عليه ولا طور
كلنا لازم نذاكر نجتهد
عشان نحارب الفجور
ونهزم بالتواضع الغرور
عشان نطبق الشريعه
فى كل مصر ونزرع البذور
بذور للامل وللعمل وللزهور
عشان نصحح الضماير ونذكر الناس بالقبور
اللى يزرع خير يلاقى
واللى يزرع شر ارضه تبور
ناخد بايد العاصى
نرشده للنور
ونبسط الدين بالسماحه
مش بالتشدد والنفور
ازهرنا امانه لازم نكون قدوه
فى التعامل وفى الكلام وفى الشعور
نراعى دايما ربنا
يرضى علينا يحبنا
ايد واحد نبنى كلنا
عشان نعمر ارضنا
اسلامنا يبقى امننا
معدش حد يذلنا
ولاحد ياخد حقنا
ولايحكم غصبن عننا
عشان نقدم جهدنا
وارواحنا وعمرنا
عشان نخوض المعركه
بين الامم ونبدا فى العبور
ياختى الازهريه ازهرك امانه
انت العزيزه وعمرك ما ترضى باهانه
معدش ينفع السكات والاستكانه
لازم يكون لك فى الحياه قدر ومكانه
بالتفوق والاجتهاد
مش بشعارات ولا بخطب رنانه
تخلى دم الناس يفور
انتهى عصر الشرور
وغول الفساد قرب يغور

_________________
عطيه خضرى عطيه
قلين / كفر الشيخ
Very Happy

اخى عطيه

كلماتك جميله . ونلت شرف اول تعقيب .

مودتى وتحيتى ...

يامن أضأت صفحتى بنورك
أنا من شرفنى مرورك
ما انا الا وريقة
أو شوكة تحمى زهورك
فطف كما شئت
واطلق العنان
كى تسمو طيورك
أنا ما اكتب الشعر الا
لرغبتى أن اقرأ سطورك

ناخد بايد العاصى
نرشده للنور
ونبسط الدين بالسماحه