ياشعب نايم

( ياشعب نايم )
ياشعب نايم فى الَبلا ليص
كل همك تبقى فى حيص بيص
فرعون عَزلتة فى لحظة غيظ
مالكش قومة ولا ليك تَعاويز
بدور فى فلك من التخاريف
وحواليك طُغاة وحواليك تَزيف
كلامنجى ولسانك مالوش عَزيز
ضَيعت الثورة وخادها إبليس
ولساك ياما فى الجِراب تَعجيز
ياشعب نايم فى الَبلا ليص
****************
ياشعب نايم لِساة بيشَخر
بيحلم وحِلمة فى مَداة مِتأخر
تَلاتين سنة وإنت بِتِتمَخطر
كِفاياك مُنا وكِفاياك تِستَفسر
عن عيشة هَنا وعن ربيع أخضر
خَليك فى ضَنا وضَنكَك أصفر
من إمتة واخِد على التنفيس
ياشعب نايم فى الَبلا ليص
****************
ياشعب نايم مالوش قومة
مُخَدَر وِواخِد على النومة
غَطسان فى بحر ومالك عومة
تاية فى حِلمك وسَماك مَلغومة
بإعلام كَداب مادِتة مَسمومة
مالك ومال بس الحكومة
مانتش قدها عشان إنت رخيص
ياشعب نايم فى الَبلا ليص
*****************
يوسف أبو زينة
16/6/2012/