يا كل من بايد القرار فوضنا الامر فيكوا لربنا

زائر

قلبى معاكى يا مصرِنا
قلبى معاكى ف عُسرنا
قلبى معاك ف مُرنا
قلبى معاكى فى الفتن
لما الشيطان بيجُرنا
قلبى معاكى
فى الظُروف المُحزنه
اللى ماسكين البلد
نفسُهم ايه مننا
مليار جنيه التكلفه
من لحمنا
لمجلس الشورى
وزيهم كانت
لمجلس شعبنا
ويتلغى شعب وشورى
بجرِّة قلم
حرام ونعمة ربنا
حرام عليكم حقِّنا
حرام عليكم أمننا
نفسنا يا خلق هووه
مره ف سعاده
مش كل حبه
يطلع قرار بيغُمنا
ايه قصدكم
هتقطَّعوها
هتفتتوها
ولا قاصدين هتبعُوها
ولا عايزين م الخريطه
تقلعوها
وتطمسوها
قولوا عايزينها خرابه
ولاعمركم راح تزرعُها
ليه تستبيحوا ظلمنا
يا كل من بايد القرار
فوضنا الامر فيكوا لربنا
ذنب البلد
فى كل رقبة حد فيكوا
وذنبنا
الناس عليكوا محسبنه
حرام عليكوا يا خلق هووه
اتقوا الله ف مصرنا
بنقول يارب فى كل وقت
وبعزمنا
تنتقم من كل واحد خد مننا
تنقم من كل واحد
استباح يوم عرضنا
من كل واحد ذلِنا
ضيَّع مصالحنا
و ضيَّع وقتنا
يارب مصر الكِنانه
معدتش تبقى امنه
يارب اهدى النفوس المُؤمنه
وانتقم يارب
من كل نفس خائنه
يارب باسمك الاعظم
تخفف عننا
يارب فرِّج كربنا
يارب حقق حلمنا
يارب خليك معانا كُلِّنا
لجل متسير
السفينه بالسَكينه
ونوصل يارب لبَرِّنا
على ايد رئيس يِبِرِّنا
ويكون رئيس بيحبنا
يِرفع بُنانا وعِِزِنا
اللهم استجب ياربنا

حسبنا الله ونعم الوكيل

فى كل من يحاول ان ينال من مصر .

واؤمن وراءك اخى عطيه واقول آمين .

مودتى وتحيتى ...

اللي فى نفسهم الكل عارفه

ومحدش هيقدر يخالفه

ادعوا لناصر وحلفه

هم دول خلفه وسلفه

» حنخش فيكوا شمال- مهداة إلى جنوب السودان- طارق منيب
» الى مــن يهمــه ألأمـــر ...!!!ربــاعيـــات
» القرار الأخير
» القرار لنزار قبانى
» رسالة من جندى مصرى ..الى من يهمه الامر