الساعه جايه تِك تِك

زائر

الساعه جايه تِك تِك
لازم تقرَّر
أِما رئيس
لحلمك يحرر
وأِما رئيس
لحلمك يمرّر
ويفضل كابوسك
دايمايكرّر
ويفضل قميصك
شافف حيائك
مهما تزرَّر
صُوتك دا لِك
الساعه جايه تِك تِك
لازم تقول
وبأمانه لمين
لازم تحدد
للعلقمين
أقل الضرر
مابين الاتنين
ولا سجَّان
ولا مسجُونين
اقرب ضرر
ممكن تزيله
اصل الذلل
معتش نزيله
خلاص الملل
معتش تشيله
معتش الخلل
هتاكُل نجيله
وحتى الحديد
لازم تسله
الارض دى ارضنا
والنيل ده نيلنا
معتش نيله
الحاله جلل
يغلط هندِّيله
معدناش
نقُول
هنرضى بقليله
هياكل حقوقنا
يبقى يا ويلُه
لازم نقرر
مين هندِّيلُه
هندِّى لواحد
ميبعش لعديله
ولا يلعب بدّيِله
ولا يكون مُبارك
ليه المثل
ويعمل مثيلُه
داللى يشوف
وساخة غسيله
ما ينشر غسيله
واللى يطاوع
شيطان العِناد
هيفضل ذليلُه
حياتك بأيدك
وحلمك سفينتك
وصوتك دليله
منك ولِك
الساعه جايه تِك تِك
الصُوره غايمه
والغيام بقه
وضع سايد
اوعاك تنخدع
بوسائل الاعلام
أو بالجرايد
خليك مُحايد
أنته بين سالب وزايد
والفتن تحت اختيارك
فتيلها قايد
حريتك وكمان حياتك
أوعاك عليها يوم تزايد
أوعاك ترجَّع عهد بايد
لازم تقرر
دأنته مصرى
ياما مرِّت بيك شدايد
أوعاك تكبَّر
يوم دماغك
أويقولك حد فُك
الساعه جايه تِك تِك
يأما نار يأما نار
لازم تحدد الاختيار
مفيش مفر
ولا فيه فِرار
لو يوم تكسِّل
يبقى عار
لو هتبطل
يوم لصوتك
هتكُون حمار
الحكايه طوّلت
لبنها فار
دا مصير بلدنا
مش لعبة
القُطِّين وفار
فيه نار جهنم
ونار يادوبك
بس تلسع
لكن بأيدك تطفى اللهيب
وبأقتدار
يا أما مُر يا أما مُر
يا أما مُر شدِيد مرارته
يا أما مُرخفيف
شويه فى المرار
معدش ينفع الانتظار
أنا بنصحك
علشان أخوك
لكن ونعمة ربنا محتار
قربك لربك
يلهمك
قُوم استخار
بابك حريتك بأيدك
افتحه ولا يوم تسك
معدش ينفع الترد
ولاعادش ينفع يوم تشك
الساعه جايه تِك تِك
العِناد
انك تبوز الاصوات
انك تزود الاشتعال
واحنا عايشين ف الشتات
لو ناوى تبوَّز
يبقى بتخنق حلمنا
والامنيات
هتضحَّك العالم علينا
ويقولوا شعب مصر مات
ومصرنا تفضل
محل سر وف ثبات
عايشه ف سُبات
ياجماعه
كل الحكايه وباختصار
اربعة سنوات
لازم نحدد
مش عايزين اربعة
ويفرَّخوا حتى الممات
ولا عايزين اربعة
امتداد لعصر فات
لازم نقرر وندِّى صوتنا
للى يجدد عزمنا
ولا عُمره يسخر مننا
للى بجد يعزِّنا
ويكون مننا
ولا يوم يفوِّت قطرنا
معدش حد يقدر يوم يُعك
الساعه جايه تِك تِك

ما شاء الله عليك أخ عطية
تقبل مرورى المتواضع

فعلا الساعة جاية تك تك تك

أحسنت يا أستاذ

رعاك الله يا مصر

الاخ الشاعر عطيه

بالطبع نحن بين اختيارين لاثالث لهما .

ونتمنى من الله ان يوفقنا الى مافيه صالح هذا الوطن .

ولكنى اعترض على قولك :

لو هتبطل
يوم لصوتك
هتكُون حمار

فمهما كان موقفى لابد ان احترم رأى الآخر ولو يبطل صوته .

وان اردت النصح له فلابد من استحدام لفظ يتقبله .

مودتى وتحيتى ...

زائر

اصبت فى الاعتراض
ولست غاضبا
لكننى والله راض
تعرف انى كتبت
قبل كده انا نفسى ابقه حمار
ايام مبارك

ولكن لا ننسى أن التشبيه بالحمار قد ورد في القران في قوله تعالى ( إن أنكر الأصوات لصوت الحمير ) وفي قوله ( مثلهم كمثل الحمار يحمل أسفارا )
هذا الحيوان المسكين الذي قدم للبشرية خدمات جليلة عبر التاريخ
وما زال يقدمها إلى يومنا هذا رغم التطور الصناعي والتكنلوجي
لكنه لم يلقى باهتمام المؤرخين أبداً
في حين نجد أن المعاجم العربية قد أنصفته
أترككم تتابعون ..

السؤال كما قرأتم في العنوان :
-:- ماذا تعني كلمة : حمار
الصحيح هو ماذا تعني كلمة : فَـنَّـان؟

الكل يفتخر أن يناديه الناس فنان
ومعناها هو : حمـار
حسب المعاجم العربية
الفنان هو الحمار

لا تواخذوني اخواني سوف أضيف لكم شيئ مهم وهو :
أن جمع حمار هي حمير
هذا فقط لتعرف جمع فنان بالمرادف
ملحوظه...
وبفضل بعض القواميس الالكترونيةاتضح الاتى
ان الشاعر "الاعشى" هو سبب هذه التسمية
فقد وصف الحمار بالفنان في احد ابياته الشعرية
كان يصف الحمار الوحشي و قال عنه فنان في الجري
و من هنا اتت هذه التسمية .
واعتراض مقبول
يا ابن الاصول

» الايام اللى جايه أحلى