يا حبيبى يا بلال

وحشتنى يا بلال
وحشنى صوتك وانت واقف ترفع الادان
وحشانى صورتك وانت واقف ف الميدان
وحشنى حضنك ال كنت بلقى فيه كل الامان
وحشنى كلك لما كنت تخش الحاره الكئيبه
لما خدت الشهاده بختم خيبه
لما خطبت خمس سنين واتفشكلت من الخطيبه
ال زهقت كتر خيرها الحياه كانت عصيبه
وحشنى قوى قوى قوى
يا حبيبى يا بلال
يومها قلت انا ماشى يامه ومش راجعلك
احساسك ده من الايمان
مانت عمرك ما سبت فرض
ولا عشتها بالطول والعرض
كنت محافظ على صلواتك
ووادد دايما اخواتك
ولما خلاص انا هفرح بيك
استشهدت ويا احبابك
بس الثورة اتسرقت يابنى
وال سرقها بكل بجاحه
عايز يرجع تانى للسلطه
ماهى بقت سلطه وال بيسبق دايما يلحق
بقت حلقاتك برجلاتك
بس ورب العزه الباقى
مش هرتاح غير لما الاقى ال سرق ضحكتنا الحلوة
ال حرمنا نسمع غنوة
ال فتل جوانا البسمه
واستشهدت يا اجمل نسمه
بس ورب العرش الغالى هنتقم وهنتقم وراضيه بدى القسمه
وحشتنى يا بلال
...................................
الى ام الشهيد بلال التى رفعت فى جمعة الاصرار لافته مكتوب عليها
وحشتنى يا بلال بلامس
شاعر الحب
عبدالتواب الرفاعى

أخى عبد التواب
لفتة جميلة منك
و كلمات تنبض بالوفاء
دمت بخير
أيها الراقي

مانحرمش منك
يا شاعرنا الكبير
حبيبى
عاطف الجندى
تحياتى

شخصية جميلة

وتعزية جميلة

دام الابداع

مانحرمش نك يا استاذ احمد

الله عليك استاذ عطيه

اشكرك يا نائب المدير