ايه احساسك

أيه احساسك

لما فقير الشعب شكى لك
وموته حراسك
أيه احساسك
لما كنت تسوق فى عنادك
نبوسلك رأسك
أيه احساسك
لما شهيد الثورة مات برصاصك
بتلعن نفسك
ولابتبكى بتندب حالك
سقيت الشعب المر فى كاس
عانلك مرك
وسقاك كاسك
ايه احساسك
لما الشعب بيبكى
ماسألتش فيه وماخدش بالك
أيه احساسك
فى العباره والناس غرقانه
وانت فى متش الكوره
واهلينا فى المينا
منتظره قرارك
ايه احساسك
لما شوفت دويقه
ع الارض سطيحه
ناسها طريحه
فى الدمه ذبيحه
وخربها عمارك
وايه احساسك
لما شعبك
خفف حكمك
مفهوش اعدامك
قول رأيك
ليه حكمت فينا جمالك
وهو وعدلك ويا سوزانك
دلوقتى
لما السجن بيقفل بابه
أيه احساسك

ايه احساسك
لما اقولك واجع راسك
دول ناس مجدى مش من ناسك
دول كراسهم غير كراسك
دول واكلينها يا سيدى ع الجاهز
وانت طالع عينك بفاسك
شاعر الحب
عبدالتواب الرفاعى

صدقت ايها الشاعر الكريم
استاذ عبدالتواب هل الخطأ فى مين
الشعب عمله رئيس
وهو داس ع الشعب
وعاش فى خيرنا يهيص
واحنا نعيش فى الرعب
وعمل ابنه عريس
رفع علينا الكعب

اشكرك على ابياتك الصريحه التى لخصت قصيدتى
استاذى منك نستفيد
دمت مبدع

حينما سأل أحد الصحابه عن الايه
بسمالله الرحمن الرحيم ( كل يوما هو فى شأن ) صدق الله العظيم
قال امور يبديها ولايبتديها يرفع اقوام ويخفض اخرين
صدقت ايها المبدع
لكن الله اراد ان يسقيه من نفس الكاس
لحضرتك وافر التحيه والتقدير

كلمات فى الصميم

شاعرنا الوطني

دام الابداع

تحياتى لحضرتك شاعرى الجميل احمد رجب
لقد سعدت بمرور حضرتك
اعجاب حضرتك اعطانى الثقه والدفعه الى الامام
لحضرتك وافر الاحترام والتحيه