عجبت لك يابن النيل

عجبت لك يا بن النيل
إزاى للفلول بتميل
مش دول اللى خربوا البلد
والا انت فهمك تقيل

ناوى ترجع النظام
إسكت أحسن ياهمام
منظرة وقلبة دماغ
وتلطم وترجع تنام

شغل دماغك وإستفيق
استعين يا مصرى بصديق
بقى تعمل ثورة على مبارك
وتحط بنفسك شفيق

حاتغنى و تقول ظلموه
ياعالم حقى وسرقوه
إبنى كان على كتفى
ضحكوا عليا وآخدوه
وإبنك لوفهم الحكاية
حا يلعن اللى جابوه

وحانبقى شعب خايب
بيجيب لنفسه المصايب
و ندخل بلدنا التاريخ
من باب طرايف وعجايب

ولا يوم نرفع رأسنا
ونقول للى حا يرأسنا
ده إحنا شعب له هيبة
إزاى بعد ما إتوكسنا

مش عارف بإيه آهديك
وحا تأذى نفسك بإيديك
طيب أعالجك إزاى..؟
منك لله .. ياريت يشفيك

كلمات واقعية جميلة

ومين يسمع ومين يفهم

دام الابداع

اختيار خاطيء لنسخة من المخلوع

اخى الشاعر الدكتور

مراد سليمان

والله لقد وًضعنا بين فكىّ الرحى .

ولكن قدر الله وماشاء فعل . فلنختار مايمليه علينا الضمير .

ولنضع مصر نصب اعيننا اولا واخيرا .

مودتى وتحيتى ..

» مساجله فى حب المصطفى سيد الخلق اجمعين
» يابن اللذينا
» غاب القمر يابن عمى !!
» يابن الأســــــد
» [] على دقة قلب النيل []