اوجاع

أوجاع
لما تاه منى قلبى
قلت أه عل صابنى
دمع عينى بل خدى
الورود م القسوة دبلت
الحياة تجيب تودى
الوجوه بياجى غيرها
واللى جه لازم يعدى
اللى واقف فى طريقها
يبقى قدره زى قدرى
بكره ييجى يوم فراقها
تقوله عدى ياأبن عمرى
والهموم بتشكى حالها
لما تاه قلبى منى
هو ده حالها ياأبنى
مهما تكبر مهما تبنى
التراب بيجب عاليها
فوق واطياها
والل تحت يبقى قبرى
شوفت حالها كان فى حال
فى لحظه غير صار محال
الحياه هى هى
الصغير منسوب اليا
لما يكبر يبقى حاجه
يعيد نفس العيشه ديه
وبكلام ح نقوله بدرى
الل جه لازم يعدى
ولما تاه منى قلبى
قلت أه عل صابنى

كلمات جميلة وبسيطة فالقدر مكتوب علينا ان نحياة برضا

اشكرك استاذه ايمان على مرورك الجميل
وكلماتك الطيبه
لحضرتك وافر التقدير والتحيه

اشكرك ايها المبدع
على كلماتك الطيبه ورأيك الواضح
وانا سعيد بكلمات حضرتك
وخصوصا ماقرأته
عن سفر اخى الشاعر الاصيل عاطف الجندى
وانا شاهد على قصته فى روما مع صوفيا
لحضراتكم وافر الاحترام والتحيه