مصر....رضا عفيفي

مصر

انزل شارك خليك حر .......................لاجل الازمه الصعبه تمر
وطنك غالى ..صوتك عالى..................اصرخ صحى ضميرالكل
اوعى تقول مره انا مالى..........................عوض يالاسنين المر

انزل شارك خليك حر .......................لاجل الازمه الصعبه تمر

فاضل خطوه خلاص عالكرسى. .......وناس محتاره شفيق لا..مرسى
اوعى يضيع دم الثوار........................ويصبح بكره بيشبه امسى
وانا للحق خلاص اختار......................قولوا للباطل يرحل يمشى

ليه حنخاف من حكم الدين.........................طمن قلب المسيحيين
اهل كتاب ليكم ذمه..............................شركا معانا يامصريين
علشان نوصل سوا للقمه............................لازم نتمسك بالدين

يحكم فينا كتاب الله...............................والجاهل يعرف معناه
نور عدله يكفى الكل..........................مع بعض نعيش فى حماه
للظالم ربك بيذل....................................والمظلوم دايما وياه
انزل شارك خليك حر.......................لاجل الازمه الصعبه تمر

رضا عفيفى

جميله يا رضا
ونورت منتداك
ومرحبا بك شاعر يمتلكم مفاتيح الكلام
شاعر الحب
عبدالتواب الرفاعى

مرحبا ً بالصديق العزيز رضا عفيفي

قصيدة جميلة و معبّرة عن واجب كل منّا في الفترة الصعبة التي نمرّ بها

رعاك الله يا مصر

انزل شارك خليك حر .......................لاجل الازمه الصعبه تمر

وانا معك تماما فى هذا النداء الوطني الجميل

تقبل مروري وتقدير واحترامي

وودي

اخى الحبيب رضا عفيفى

نورت المنتدى واهلا وسهلا بك فى بيتك ووسط اخوتك .

شرفنا بإنضمامك لاسرتنا الادبيه وسعدنا بأول نصوصك

على صفحة العاميه .

نرجو التواصل والاستمراريه لاكتمال التعارف بينك وبين

افراد اسرتك الجديده .

مودتى وتحيتى ...

» رجاء..رضا عفيفي
» إلي إسرائيل...رضا عفيفي
» شعراء من الإسكندرية(خالد البوهي-عاطف الحناوي- رضا عفيفي)