ابو الهول

أبوالهول
جه اليوم ان أبوالهول
عاوز يقول
ايه عاوز تقول
ياأبوالهول
داأنت واقف على رجلك من سنين
صابر وقابل
كل فعل وكل قول
شايف بعين
اللى حاصل فى مياه النيل
وفى كنيسة القدسين
مش قليل
شئ مهول غير مقبول جن العقول
طعنة جبين
انت ثابت فى مكانك
فى وضعك لك كيانك
بتقول مصر دى مقامك
والناس ماتابت
نامت وقامت
تغدر باأرض المصرين
ايه عاوزتقول ياأبوالهول
قول يمكن الهموم تزول
ح اقول واعيد وازيد
نحط كل ايد فى ايد بوعود
تكون اكيد من حديد ونقول أمين
بقول لمصر والمصرين
حققتوا نصر ثلاثه وسبعين
كنتوا دايما منصورين
فى كل ازمه وكل حين
مسلمين مسحين
مفرقناش بين دين ودين
فى كل عصر عصر خوفو
عصر خفرع عصر مينا
خليتوا لينا الحديد يلين
خدوا بالكم من بلادكم
من وألادكم ومعاكوا دينكم
يعيش هلال ويا الصليب
اللى يهدم فى حياتكم
يبقى عدو مش قريب
راح يزعل سيدنا عيسى ابن مريم والحبيب
يقوم بفعل كله جهل الصغير منه يشيب
الكبير يبقى كهل يقول يامصر لاه ده عيب
ووقف يقول ابوالهول
مهما الحياه بنا تطول
فى كل واحد روح ودم
المهم والاهم ان حواء لينا ام

اشكرك ايها المبدع لقد احسنت القول فى كلمة اختلاق احداث تهز المجتمع بااسم الدسن وايضا بااسم الدين ولم يطبقوا قول الله( من يعمل مثقال ذرة خيرا يرى ومن يعمل مثقال ذرة شرا يرى )صدق الله العظيم استاذى وشاعرى الفاضل لقد اصبحت الفتن الان فى زماننا اسهل من ان يمحوا الماء الجليد ادعوا الله ان ينتقم من كل من مد يده ليخرب فى بلدنا الحبيبه مصر اشكرك على كلماتك الرائعه
ولحضرتك التقدير والتحيه

ربنا يكرمك ياشاعر ياعظيم تحياتى لحضرتك
استاذى الفاضل لوابوالهول تكلم بجد
ح يقول للفلول حرام عليكم ارحمونا
احسن اسيب مصر وارحل
لك وافر تحياتى