سكر سنين

سكر سنين
انا مش عارف
لكن انا فاكر
ان بلدنا حاكمها الحاكر
من يومها شربت الخمر
وبقيت ساكر
نسيت العمر
فى عز السكر شوفت الناهب
ويا الفاجر
شفت الحالب يسقى الشارب
شفته واكل خيرنا وناكر
بعدها فقت قلت اذاكر
شوفت الامس ودع باكر
شوفت الطيب لله شاكر
من صفوة خلق كانوا نوادر
منهم سعد وعرابى وناصر
وشاب صغير ف التحرير
فى ايده اخوه وجاره القاصر
قاموا بثورة وحش كاسر
هدموا نظام الحاكم الحاكر
توبت توبة لله شاكر
من كل ذنوب خمر الساكر
خدت كتابى وقلت اذاكر
فى درس شباب الثورة كوادر

الناقد والمبدع الاستاذ عادل عوض
تحيه لشخصك الكريم
هذه القصيدة كانت بعد الثوره مباشرة فى الديوان الثالث ( الديك المخلوع )

نأمل ان لايرجع الفلول للحكم لكى لاتصبح حياتنا سكر
ولحضرتك جزيل الشكر والتقدير