لما كل الناس تبيع

لما كل الناس تبيع
وانت عايز تشتري

قول لي تبقا كسبت ايه
لما تفضل تنحني
..
اللي ما بيسألش فيك
ليه تروح تسأل عليه

واللي بيقَوِل عليك
لسه برضه بتشتريه

هما كل الناس ف عينك
دول ملايكه ولا ايه

ولا مش عايز تسيبك
م العزاب اللى انت فيه
..
قلبك الطيب خلاص
الزمان ده ماهوش زمانه

زمنه عدى وراح خلاص
والوفاء غير مكانه

وانت لو عايز تعيش
يبقا لازم ما تطاطيش

واللي هيفكر يبيع
اوعا يوم تزعل عشانه
..
أيوه مش هفضل أسامح
وابقى مش غلطان واصالح

مش هنزل من كرامتى
وافضل اتألم واقاوح
..

الله ينور يا رضا .

والله لو عندى نفس للكلام كنت قلت عن النص ده ياما .

لكن اعذرنى نفسى مسدوده عن كل شيء .

ربما اعود اليه مرة اخرى .

مودتى وتحيتى ..