كلمة .. للفريق احمد شفيق

اية العمل وياك يا شفيق

ليه الامل جواك جرىء

ونظرة عينيك بتقول برىء

بتضحك علينا وبحرك غريق

فاكر موقعة الجمل .. واللى اتعمل فى المخاليق

كام شب اتحمل .. جواه امل فى وطن عريق

حلمه اندفن .. معاه فى الكفن وودع صديق

واهو الجمل طلع برىء يا سيادة الفريق

والمتهم حر طليق يطلع لسانه للمخاليق

وجاى تقول يا عم شفيق

بينى وبينكم الصناديق

ده كلام فاضى ومحتاج تحقيق

العدل يا قاضى ومن فضلك التدقيق

...........................

الكيل اهو فاض وصبرنا باض اضرب ياض

كل فلول النظام

كنتم فى واد واحنا فى واد والحق اهو عاد

وكسرنا كل العظام

وقتنا حان ووقتكو فان واتنصب الميزان

والكل فى دوره بانتظام

..........................

عم شفيق

يا عم شفيق

كل كلامك فى ودنا خنيق

حتى سلامك فى عيونا غميق

وان كنت جانى ولا برىء

ما لكش فى سكتنا طريق

سكتنا بيضه مفهاش الوان

خدها نصيحه من واد غلبان

انفد بجلدك قبل ما يطلعلك من الجحور تعبان

او يظهرلك من ورا ضهرك كام سجان

[center]

المشكله ياأخ هشام أنه بيقول
أن الثوره إتسرقت وانه راجع علشان يراجعها
... الثوره اللي قال عنهاأنها مجرد تعبير حد
عن وجهة نظر وليست ثوره واللي قال عنهاأيضا أنها للاسف نجحت

اخي لقد دخل شفيق هذا الأنتخابات من باب الثوره
فلو كان الخلوع مازال في الحكم لما تجرأ علي
الترشح

اخي إن تلك الثوره العظيمه ليست ساذجه نعم أرتكب
الثوار أخطاء لا يتسع المجال لذكرها ولكن
أمامنا فرصه لتصحيحها والتوحد خلف الدكتور
محمد مرسي ودعمه فالمعركه لم تعد معركة الأخوان وحدهم بل معركة الثوره التي سالت
دماء كثيره من أجلها

دمت بخير

شكرا استاذى الفاضل عادل
سعدت بمرورك الرائع
دمت بحفظ الرحمن

أخى هشام
كلام على الوجيعة
حزين جدا لمصير الانتخابات
كتبت فعبرت يا صديقي
أخوك