موال حزين

أنا هقول موال حزين
هعزف شجن جرح وانين
هبكى عالحب اللى مات
هبكى على عشرة سنين
هبكى عالعمر اللى فات
ويا ناس كدابين
موال حزين هحكيه
بدمع العيون ببكيه
لكل القلوب هشكيه
ده لو فى قلوب عايشين
انا هقول موال حزين
جرح واهات عاشقين
دة مجروح ودة بينجرح
ودول فى وهم غرقانين
انا هقول موال حزين
هعزف شجن جرح وانين
كلمة بحبك سمعتها
والقلب رفرف وقتها
بكل الوعود وعدتها
انى هكون من المخلصين
ضحكت وصوتها ملا ودانى
ضحكتها كانت عجبانى
مفهمتش الضحكة سعتها
الفرحة كانت عميانى
فضلت ماشى متغمى
ورضاها بقا اكبر همى
بقت اغلى عندى من امى
وعلى حبها انا كنت امين
ديما كنت بطاوعها
كنت خاتم فى صبعها
بطاطى راسى و ارفعها
ولما عليت فوق الناس
جاية تقولى انت مين
نسيت مين اللى عملها
مين اللى شقى و ادالها
مين اللى شال هموم بالكوم
وعمره فى يوم ما شكالها
جات فى بالى ضحكتها
وصوتها سمعته فى وادنى
وفهمت اللى مفهمتوش
من الضحكة اللى عجبانى
كانت كذبة وصدقتها
وقصة بدأتها
وب ايديا كتبتها
فوق كرامتى سطرتها
وكان حبرها دموع العين
ودى النهاية