مالناش تقليد

مش مرغوب أبدا فى وجودى

من ألوان الطيف

كل مناخ الجو مسمم

كدب وزيف

أنا مش حاوى أو ف السيرك

كل خيوط اللعبة بإيدى

ملعب كورة وانا الحريف

أنا مش غاوى الرقص وقلبى

من على حبل بفط وانط

أنا من قلب تاريخنا طلعت
بنور الدين
بفكر ينور
للسامعين
لأ مش ممكن عقلى يحكم
فكر مسطح للملايين
أنا طول عمرى شايل روحى
ولابس كفنى
ويا شعارى وحى وسيف
من فى تاريخه
قتل وسحل وسجن مخيف
من فى تاريخه
زى البنا شريف وعفيف
[*]زى حكيم العصر ظلاله
[*]م القرأن والفكر طريف
[*]سيد قطب وعلمه معالم
[*]يا ما بقلمه خرج عالم
[*]ربى شباب بالنور والدين
[*]من طلعتنا الموت فى ركابنا
[*]والشهدا للحور العين
رايحة قوافل ربنا شاهد
إنى لعهده كنت أمين
أيوه أنا فكرى هو الزين
مش متمركس ولا متأمرك
ولا علمانى مالوش ف الدين
ولا دكاكين مفتوحة لمكسب
بالدولار واليورو أمين
قالوا حقوق إنسان وكرامة
قالوا حماية للمساكين
شوف يا حبيبى حياتهم منها
هيصة وفتة ولحم سمين
كل همومهم قصر بسوره
والعربية بتكشف دوره
والحسابات ف بنوك ملاعين
ياله ياشلة مستر جاكسون
على أمريكا وبيعوا وطنكم
لجل ماترضى عليكم ماما
وترضعكم فتركعكم للسلاطين
أيوه انا ضد فلوس صهيونى
جى يخلص منا سنين
جى بإسم ديمقراطية
لجل يدمر قصر التين
جى يحرك فتنة ف أمة
ويقسمها شمال ويمين
وانتو قلمكم ضمن سلاحه
فضئياتكم هى لسانه
ويا شبابكم خصم لعين
عاوزين زفة وتلهطوا فيها
عاوزين هوجه وكيس ملايين
عاوزين جهلة وتنزلوا فيهم
ليل ونهار بغنى وتلحين
عاوزين بنك تغطى فلوسه
أفك كتبكم والتلوين
يعقوب.....يان بتقولوا صاحبها
م الثوار وشذوذوه كمين
والهلفوت وزعيم المرده
ع الإسلام ف هجومه مهين
جردل كنكه غول ف الغابة
دنمركية الدنيا يا عين
تجربة هى الجنس بعينه
قال إبداع يا محترمين
كل الجوقه م الرقاصة لحد الزين
أصبحوا ساسة وفى الوطنية
بقا لهم عين
خمسين ألف وأكتر وافقوا
على ترشيح سعد المسكين؟؟؟
يبقا ياريت الدنيا تشوفنا
فى التطبيل مالناش تقليد