غياب حبيبى طال

غياب حبيبى طال
قلت اطمن عليه
مسكت تليفونى رنيت كتير عليه
رنه وراها رنه هو مابيردش ليه
فى حاجه مش طبيعيه
زعلان والله ما زعلته
مجروح ولامره فى عمرى جرحته
حيران بيفكر جايز أكون ضيقته
طب رد عليا أرجوك
عنيا كتيروحشوك
واديا بيترجوك
انك ترد عليا
أنا قلت أكتبله رساله
مضمونها تلت كلمات
الكلمه الاولى مالك
والكلمه التانيه فينك
والتالته هموت
رنيت يجى الف رنه
وراسى بقى فيها زنه
مش عادته والله مازعلته
فجأه اتقفل تليفونه
ودموع عنيا سالت
النوم فارق جفونى باين ليالينا هانت
معقول ليالينا هانت بسهوله كده عليه
انا كنت دوا عنيه
انا كنت ال ليه
كان بيقولى دايما
بيحبنى اد ايه
مره اد النجوم وكتير اد القمر
وليالى ماجاله نوم وتعب من السهر
اتارينى كنت ظالمه
كا ن عيان حبتين
كان تعبان من السهر
هو اغلى ماليا وده حكم االقدر
وعد وخدته مابينى وبين قلبى الحجر
ان لاعمرى ما هقسى انا مره ف يوم عليه
بحبه ومهما يبعد
مهما يعند
مهما صدنى ف كلامى
انا عارف قلبى انا غالى عنده اد ايه

جميلة يا أستاذ عبد التواب

زادك الله رقة و شاعرية

تحياتي

جميلة ورومانسية

شكرا اخي

دام الابداع

اشكرك بسمة الورد

اشكرك استاذ عاطف عبدالعزيز

اشكرك استاذنا احمد رجب

استاذ عبد التواب
كلمات جميلة من شاعر رائع
تحياتى شاعرنا

يابنت النيل
انا مبسوط ومزقطط عشان اسمك نور هنا

شاعر الحب
عبدالتواب الرفاعى

عنوان جميل لفكرة جديدة وبالطبع رائعة في وصف رقة المشاعر التي تسيطر وتسكن القلب حين يتملكة العشق

مليون سؤال
..................
مليون سؤال اترددوا جوه نافوخى الضعيف
صيف شتا مصدعنى
ربيع خريف
حاجات كتيره بتشدنى لايام زمان
ولبنت اموره وجميله
حبتها انا
كات جنبنا قصدى قدام شباكنا تمام
انا لسه فاكر ازاى كنا بنتقابل كمان
ف البلكونه خمسين حجر
ارمى الحجلر واجرى بعيد اعمل عبيط
واطلع وازعق ويا الجيران
مريم جما ل ده اسمها
انا لسه فاكر شكلها
الله اكبر بسم ربى وماشاء الله ع الجمال
احمد صديقى ال كان سرى وكنت سره كمان
قالى ياما انه لولا ان انا ال بحبها ماكانش سابها
يوم ف حالها واد جبان
كان عنده حق
البت مزه متفصله على احلى عود
حبيتها موت
كان عندها فستان لذيذ
كنت بحبه
كات تلبسه لما تقابلنى والضحكه ضحكة بدر
ليلة 14تمام
مش عارف ايه فكرنى بهذا الكلام
دى حاجات عدت عليها ييجى تلاتين سنه
كنت انا فى وقتها مسمينى الروش
ياه معقول ياناس اكون انا بتاع زمان
لأ مش انا
دالوقتى عندلى انا خمس عيال
وامهم دى لوحدها همها زى همهم
اول ماخش مالبيت زعيق
يشبه نهيق حمار جعان
بس اعمل ايه بلبس هدومى وانزل على قهوه فى اخر شارعنا
بقعد مع صحبة تمام
مع تلت صحاب احمد على
وابن اخوه احمد فؤاد
بس ال لسه جوة منى من سنين
وصاحبى وسرى الامين
محمد عماد
مالى انا عمال بخبط ف الكلام
عمال اعيد ف الذكريات
يمكن عشان ام العيال منكده دايما عليا
ولا عشان حال البلد ال اتوقف
وما املكشى انا غير دمعتى وهمى هما ال ليا
وانا لسه قاعد افتكر
لاقيت صوات مالى حارتنا وييجى سبع تمن حارات
محمد عماد شيلينه دمه عل القميص
من غير نفس
دمى اتحبس
يبدو ياناس مش ده رفيقى محمد عماد والنبى ابص عليه
اه يامحمد اتقتلت وال قتلك اخوك
ابن بلدك
يالهوتى مش هلطم انا ولا هصوت
هكتب انا على اسم شارع ابو العلا قصدى شارعنامن النهارده
شارع الشهيد محمد عماد
اشكرك ايمان

الكلمه الاولى مالك
والكلمه التانيه فينك
والتالته هموت
المبدع المتالق عبد التواب
ثلاث كلمات تختزن معاجم
دمت بكل خير

ثلاث كلمات تختزن معاجم
حقيقى فرحان بيكى

كلمات جميلة من انسان جميل

اشكرك ا\سمل