ليه ياحمام مش بتغنى

ليه ياحمام مش بتغنى.....وصوتك ليه مش سامعينه
بعد ما كنت بتغنى .........وصوتك عالى وعارفينه
ساكت ليه بقالك مده............والعمر من ايدك عده
...............وفرحك ضاعت عنواينه................

ليه ياحمام مش بتغنى ......وصوتك ليه مش سامعينه
انا ياحمام مش قادر اصدق....انى اشوفك يوم حزين
داحنا دايما كنا بنسأل..............ونقولك بتغنى لمين
وكنت بتغنى ..................رايح تغنى راجع تغنى
.........لاهمك زمانك ولا همك سنينه...............
ليه ياحمام مش بتغنى.....وصوتك ليه مش سامعينه

فاكر لما عنها بعدت.........ورجعت تانى ودايب فيها
فاكر لما منها زعلت...ورجعت قولت انا محقوق ليها
وغنيت فى شوارعها..............وغنيت فى حواريها
والغنى كان طبعك.........................واحنا حابينه
ليه ياحمام مش بتغنى ......وصوتك ليه مش سامعينه

لو زعلان منها ....................ايه اللى كان بأيديها
ولو زعلان عليها ..................طب غنى وواسيها
لا حزنك هيفرحها............ولا صمتك يوم يرضيها
ارجع تانى وغنى..................وقولها حضنك فينه
ليه ياحمام مش بتغنى .....وصوتك ليه مش سامعينه

حلفتك ياحمام بالقلم..............اللى معايا بقاله سنين
اللى حس كتير بالالم...........لما شافك لحظه حزين
غنى وصبرها ........................والغنوه اختارها
كلامها يقول الصابر.......................ربنا هيعينه
ليه ياحمام مش بتغنى......وصوتك ليه مش سامعينهِ

الاخ الشاعر

عز الدين محمد

قرات هنا شعر غنائى . وان اختلفت موسيقى الشعر

لكنه نص راقنى وموضوعه جميل .

مودتى وتحيتى ...

نص جميل

فكرة بديعة

ومع راي الاستاذ عادل

دام الابداع

الا ستاذ عادل عوض سند...

دمت لي استاذي وخير معلم

اما بالنسبه للاختلاف الموسيقي فعذرا .. لأن هاذهيه القصيده ارت ان يكون العامل الاساسى فيها الاحساس فقط ومجرد من اي حرفه

دمت لي استاذي الرئع
وشاكرا لك كثيرا هاذا الفيض من العطاء

الاستاذ الرائع احمد رجب معيط

شاكرا لك استاذي المبدع الرائع واحمد الله تعالي ان هداني الي دربكم الراقي شاكرا لك استاذي اهتمامكم بكلماتي البسيطه......... دمت لنا افضل منتدي وافضل معلمين